Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Bashkimi Evropian ofron mbështetje për Maqedoninë e Veriut pas tragjedisë në Koçan

Politiko 16 Mars 2025, 19:13

Bashkimi Evropian ofron mbështetje për Maqedoninë e Veriut pas

Bashkimi Evropian është i gatshëm të ndihmojë Maqedoninë e Veriut në përballjen me pasojat e zjarrit tragjik që shpërtheu në një klub nate në Koçan, duke shkaktuar të paktën 59 viktima dhe 155 të plagosur. Komisionerja Evropiane për Barazi, Gatishmëri dhe Menaxhimin e Krizave, Hadja Labib, shprehu solidaritetin e BE-së për këtë ngjarje të rëndë, duke ofruar mbështetje për Maqedoninë e Veriut në këtë periudhë të vështirë.

Labib theksoi se mendimet e BE-së janë me viktimat, familjet e tyre dhe ekipet e emergjencës që po punojnë për të shpëtuar jetët. "BE-ja është e gatshme të ofrojë mbështetje. Qëndrojmë në solidaritet me Maqedoninë e Veriut," tha Labib përmes një postimi në rrjetin "X".

Në vijim të ngjarjes tragjike, Qeveria e Maqedonisë së Veriut shpalli 7 ditë zie kombëtare dhe ka ndërmarrë masa urgjente për të hetuar shkaqet e zjarrit. Inspektorati Shtetëror i Tregut është ngarkuar me kryerjen e një inspektimi të jashtëzakonshëm në të gjitha objektet e hotelerisë, përfshirë kabaret dhe klubet e natës, për të verifikuar kushtet e sigurisë.

Po ashtu, Qeveria maqedonase ka aktivizuar mekanizmin për kërkimin e ndihmës ndërkombëtare dhe po bashkëpunon me Ministrinë e Punëve të Brendshme për zbardhjen e plotë të ngjarjes. Autoritetet po mblidhen provat dhe po ndërmarrin hapa për të sjellë para drejtësisë ata që janë përgjegjës për këtë tragjedi.

Të fundit