Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

BE gjobit Poloninë, duhet të paguaj çdo ditë nga një milion euro

Politiko 27 Tetor 2021, 19:15

BE gjobit Poloninë, duhet të paguaj çdo ditë nga një

Polonia duhet të paguajë gjoba ditore prej 1 milion eurosh për reformat e saj të diskutueshme në drejtësi, ka vendosur Gjykata e Drejtësisë e Bashkimit Evropian (GJED).

Masat ndëshkuese do të jenë në fuqi derisa Varshava të pranojë të respektojë një vendim të GJED-së të lëshuar në korrik që urdhëroi pezullimin e menjëhershëm të dhomës disiplinore të gjyqtarëve të Gjykatës së Lartë dhe anulimin e vendimeve që ajo kishte marrë tashmë për heqjen e vendimeve gjyqësore. Dhoma mund të dënojë magjistratët sipas përmbajtjes së vendimeve të tyre.

Brukseli beson se dhoma e diskutueshme është një kërcënim për pavarësinë gjyqësore të vendit sepse i bën gjyqtarët subjekt të kontrollit politik.

Varshava, megjithatë, këmbëngul se është një mjet thelbësor për të eliminuar mbetjet e regjimit komunist.

Pasi u injoruan thirrjet e përsëritura ndaj Polonisë për të respektuar vendimin e korrikut, Brukseli i kërkoi GJED-së të vendoste gjoba ditore - hapi i fundit dhe më radikal i veprimit të saj ligjor, shkruan Euronews.

Sanksionet do të zbriten nga fondet e BE-së që Polonia merr periodikisht. Vendi është deri tani përfituesi më i madh i fondeve të BE-së, pasi ka marrë më shumë se 18 miliardë euro në vitin 2020.

 

Të fundit