Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Biden nënshkruan disa politika të reja rreth emigracionit

Politiko 3 Shkurt 2021, 08:47

Biden nënshkruan disa politika të reja rreth emigracionit

Presidenti i SHBA, Joe Biden ka nënshkruar tre veprime ekzekutive që kërkojnë të ribashkojnë familjet migrante të ndara nga një politikë e epokës Trump, dhe gjithashtu urdhëroi një rishikim më të gjerë të agjendës së imigracioni.

Në një përpjekje për të parandaluar imigracionin e paligjshëm, administrata e presidentit Donald Trump ndau të rriturit pa dokumenta nga fëmijët ndërsa kalonin kufirin SHBA-Meksikë.

Urdhrat e Biden do të krijojnë një task forcë për t'u përpjekur të ribashkojë rreth 600-700 fëmijë të cilët janë akoma larg familjeve të tyre. Administrata Trump ndau të paktën 5,500 fëmijë nga të rriturit përgjatë kufirit midis 2017-18.

Administrata e Presidentit të SHBA Barack Obama – në të cilin Biden shërbeu si nënkryetar - gjithashtu ndau fëmijët e padokumentuar nga të rriturit në kufi, edhe pse shumë më rrallë, thonë aktivistët.

Një nga urdhrat e Biden do të krijojë një task forcë ndër-agjencie - të udhëhequr nga sekretari i sapo konfirmuar i Sigurisë së Brendshme, Alejandro Mayorkas - për të mbikëqyrur ribashkimet familjare.

Urdhrat e dytë dhe të tretë të Biden lidhen me një rishikim të politikave të emigracionit të Trump që kufizoi azilin, ngadalësoi imigracionin e ligjshëm në SH.B.A. dhe anuloi fondet për vendet e huaja.

Duke folur në Shtëpinë e Bardhë, Biden tha: "Ne do të punojmë për të zhbërë turpin moral dhe kombëtar të administratës së mëparshme që nuk “i shqyen fëmijët”, në mënyrë figurative, nga krahët e familjeve të tyre, nënave dhe baballarëve të tyre, në kufi dhe pa asnjë plan, për të ribashkuar fëmijët që janë ende në paraburgim dhe prindërit e tyre".

 Biden gjithashtu ka propozuar legjislacion për të dhënë statusin ligjor dhe një rrugë drejt shtetësisë për të gjithë rreth 11 milion njerëz të pa dokumentuar në SH.B.A.

Të fundit