Biseda telefonike Trump-Putin, Shtëpia e Bardhë zbardh negociatat

Shtëpia e Bardhë zbardhi diskutimin 90-minutësh në telefon mes presidentëve të SHBA, Donald Trump dhe atij rus, Vladimir Putin lidhur me luftën në Ukrainë.

Skynews shkruan se Vladimir Putin ka rënë dakord të ndalojë sulmet në infrastrukturën energjetike të Ukrainës, referuar mediave shtetërore ruse.

Ata thonë se Putin ka urdhëruar ushtrinë që të ndalojë sulmet në ato objektiva për 30 ditë pas bisedimeve me Donald Trump.

Këtu janë linjat kryesore:

Armëpushimi

"Udhëheqësit ranë dakord që lëvizja drejt paqes do të fillojë me një armëpushim energjetik dhe infrastrukturës, si dhe negociata teknike për zbatimin e një armëpushimi detar në Detin e Zi, armëpushim të plotë dhe paqe të përhershme," thuhet në njoftim.

Kur/ku do të zhvillohen negociatat

“Këto negociata do të fillojnë menjëherë në Lindjen e Mesme.

"Udhëheqësit folën gjerësisht për Lindjen e Mesme si një rajon bashkëpunimi të mundshëm për të parandaluar konfliktet e ardhshme."

Mbi armët 'strategjike' - një referencë e dukshme për armët bërthamore

"Ata diskutuan më tej nevojën për të ndaluar përhapjen e armëve strategjike dhe do të angazhohen me të tjerët për të siguruar aplikimin më të gjerë të mundshëm."

Për marrëdhëniet më të gjera SHBA-Rusi

“Të dy liderët ranë dakord se një e ardhme me një marrëdhënie të përmirësuar dypalëshe midis Shteteve të Bashkuara dhe Rusisë ka avantazhe të mëdha.

"Kjo përfshin marrëveshje të mëdha ekonomike dhe stabilitet gjeopolitik kur të arrihet paqja."