Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Bota

Borrell njofton ministrat e BE-së për rezultatet e takimit të Ohrit

Politiko 20 Mars 2023, 12:25

Borrell njofton ministrat e BE-së për rezultatet e takimit të

Përfaqësuesi i lartë i BE-së për Politikën e Jashtme dhe Sigurinë, Josep Borrell, do të raportojë para ministrave të Jashtëm të unionit lidhur me takimin në Ohër mes kryeministrit të Kosovës, Albin Kurti, dhe presidentit të Serbisë, Aleksandar Vuçiç.

Sipas REL, në takimin e zhvilluar një ditë më parë me ndërmjetësimin e BE-së, palët u pajtuan për aneksin për zbatimin e marrëveshjes së propozuar nga Gjermania dhe Franca.

“Patëm diskutime të gjata dhe në fund edhe marrëveshje e cila do të konsiderohet si pjesë përbërëse e rrugëtimit evropian për të dyja palët. Do të bëhet pjesë e kapitullit 35 të negociatave të anëtarësimit me BE-në për Serbinë dhe pjesë e dokumenteve dhe kërkesave për normalizim për Kosovën. Tani do të monitorojmë për së afërmi zbatimin. Të dyja palët janë shprehur se duan ta zbatojë dhe le të shohim se si do ta bëjnë këtë”, tha Borrell, para nisjes së takimit të Këshillit të ministrave të jashtëm të BE-së.

Borrell do të flasë në Samitin e BE-së në Bruksel i cili do të zhvillohet më 23 dhe 24 mars, lidhur me takimin mes Vuçiç dhe Kurtit. 

Shefi i diplomacisë së BE-së ka thënë se blloku do të marrë vendim për zbatimin e marrëveshjes dhe aneksit dhe t’i bëjë pjesë përbërëse të kornizës negociuese të BE-së, për negociatat e anëtarësimit me Serbinë.

Të fundit