Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Britania e Madhe vendos të vaksinojë fëmijët 12-15 vjeç me një dozë Pfizer

Politiko 14 Shtator 2021, 08:05

Britania e Madhe vendos të vaksinojë fëmijët 12-15

Britania vendosi të hënën që të ofrojë vaksina kundër Covid-19 për fëmijët mbi 12 vjeç, pasi qeveria mendon se zgjerimi i vaksinimit mund të shmangë nevojën për bllokime në dimër.

Vaksinimet për fëmijët dhe të dozat përforcuese për të rriturit në rrezik janë pjesë e një "kompleti mjetesh" për të kontrolluar infeksionet këtë vjeshtë dhe dimër që kryeministri Boris Johnson do të njoftojë sot në një konferencë shtypi.

Të hënën, ekspertët kryesorë mjekësorë të Anglisë, Skocisë, Uellsit dhe Irlandës Veriore rekomanduan që fëmijëve të moshës 12 deri në 15 vjeç t'u jepet një dozë e vetme e vaksinës Pfizer/BioNTech.

Ministri i vaksinave Nadhim Zahawi tha se qeveria kishte pranuar rekomandimin dhe do të fillonte vaksinimet javën e ardhshme.

Vendet e tjera - përfshirë Shtetet e Bashkuara, Kanadanë, Francën dhe Italinë - tashmë ofrojnë vaksina kundër koronavirusit për fëmijët 12 vjeç e lart, por Britania nuk e pranoi në fillim.

Në fillim të këtij muaji, Komiteti i Përbashkët Britanik për Vaksinimin dhe Imunizimin tha se vaksinat duhet t'u jepen fëmijëve nga 12 deri në 15 vjeç.

Zyrtarët kryesorë mjekësorë thanë të hënën se vaksinimi do të ndihmonte në kufizimin e transmetimit të virusit në shkolla dhe do të ndihmonte shëndetin mendor të fëmijëve duke zvogëluar ndërprerjen në arsim.

Burimi: Euronews

Të fundit