Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Bullgaria dhe Rumania thyejnë rekorde për vdekjet ditore nga COVID-19

Politiko 2 Nëntor 2021, 19:38

Bullgaria dhe Rumania thyejnë rekorde për vdekjet ditore nga COVID-19

Bullgaria dhe Rumania raportuan të martën shifra të reja rekord të vdekjeve nga COVID-19.

Gjatë 24 orëve të mëparshme, 310 persona vdiqën në Bullgari dhe 591 në Rumani - numri më i lartë i vdekjeve njëditore i regjistruar në të dy vendet që nga fillimi i pandemisë.

Dy vendet lindore të BE-së kanë shkallën më të ulët të vaksinimit në bllok.

Sipas Qendrës Evropiane për Parandalimin dhe Kontrollin e Sëmundjeve (ECDC), vetëm 25.5% e të rriturve bullgarë janë plotësisht të vaksinuar, duke u rritur në 37.2% në Rumani. Kjo është shumë nën mesataren 75.2% për BE/ZEE, shkruan Euronews.

Sofja ka raportuar humbjen e 24,309 jetëve që nga fillimi i pandemisë me 608,499 infeksione të konfirmuara gjithashtu në mesin e popullsisë prej 6.9 milionë banorësh të vendit.

Rumania fqinje, ndërkohë, ka parë rritjen e ritmit të vaksinimit që nga 19 tetori - kur u arrit rekordi i mëparshëm i vdekjeve.

Autoritetet rumune thanë gjithashtu se mbi 90% e njerëzve që vdesin nga COVID-19 janë të pavaksinuar. 50 personat që humbën jetën edhe pse ishin të vaksinuar kishin të gjithë sëmundje shoqëruese, tha qeveria.

Vendi me 19.3 milionë banorë ka regjistruar mbi 48,000 vdekje dhe 1,6 milionë infeksione të konfirmuara që nga fillimi i pandemisë.

Të fundit