Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Bullgaria kryeson renditjen globale të vdekjeve për frymë nga Covid-19, si paraqitet situata

Politiko 31 Tetor 2021, 10:39

Bullgaria kryeson renditjen globale të vdekjeve për frymë nga

Bullgaria aktualisht kryeson renditjen globale të vdekjeve për frymë nga Covid-19. Këto shifra vijnë dy javë përpara mbajtjes së zgjedhjeve të parakohshme për herë të tretë brenda vitit, të planifikuara për t'u mbajtur më 14 nëntor, raportojnë mediat e huaja.

Titujt e zymtë nuk e kanë bërë popullatën të nënshtrohet ndaj kufizimeve, me protesta që shpërthyen në disa qytete. Vendi ka qenë në grahmat e një krize të vështirë politike, e shënuar nga një lëvizje proteste njëmujore që filloi vitin e kaluar duke bërë thirrje për dorëheqjen e qeverisë populiste të udhëhequr nga Boyko Borisov dhe partisë së tij "Gerb" ose Stema, që është në pushtet që nga viti 2009.

Që atëherë, zgjedhjet parlamentare janë organizuar dy herë, në prill dhe korrik, por partitë fituese nuk ishin në gjendje të formonin një koalicion qeverisës. Aktualisht, vendi drejtohet nga një qeveri e përkohshme që ka hezituar të miratojë masa më të rrepta nga frika e reagimit publik.

Bullgaria gjithashtu ka pësuar rënie të ndjeshme demografike për shkak të migrimit, si dhe niveleve të ulëta të lindjeve. Spiralja aktuale e vdekjes për shkak të COVID ka të ngjarë të komplikojë çështjen.

Në këtë pikë të pandemisë, Bullgaria regjistroi 338,83 vdekje për 100,000 banorë, me vetëm Brazilin pas tyre me 287,46 viktima. I vetmi vend tjetër evropian në pesëshen e parë është Rumania fqinje, me 237.73 vdekje për 100,000 banorë, duke e vendosur atë në vendin e tretë në përgjithësi, sipas të dhënave nga Johns Hopkins nga 29 tetori.

Qytetarët e saj janë gjithashtu më pak të vaksinuarit në Evropë. Vetëm 1.38 milionë njerëz kanë marrë dy doza ose 20% e popullsisë shtatë milionëshe.

Të fundit