Covid 19 në Amerikë/ Rekord rastesh ditore, ekspertët: Vaksina mund të mos jetë gati këtë vit

Shtetet e Bashkuara tw Amerikws kanë raportuar ditën e dytë me shifrat më të larta të rasteve të reja me Covid-19, sipas të dhënave nga Universiteti Johns Hopkins.

Ekspertët e shëndetit kishin paralajmëruar se sezoni i vjeshtës do të sillte një ringjallje të rasteve dhe meqenëse SH.B.A. kurrë nuk e uli ritmin e rasteve ditore mjaftueshëm, ata thonë se rastet e komplikuara ka të ngjarë të përkeqësohen. Tashmë, rastet kombëtare janë gjithsej më shumë se 8.5 milion dhe 224.891 njerëz kanë vdekur, sipas JHU.

Vdekjet do të rriten me vrull në tre-katër javët e ardhshme,," i tha Michael Osterholm, drejtor i Qendrës për Kërkimin dhe Politikën e Sëmundjeve Infektive në Universitetin e Minesotës, për CNN.

Në Maryland, guvernatori tha këtë javë se tubimet familjare janë burimi numër 1 i transmetimit të rasteve, pasuar nga ahengjet shtëpiake. Në Karolinën e Veriut, zyrtarët e shëndetësisë raportuan numrin më të lartë ditor të rasteve të premten dhe thanë se ata vazhdojnë të shohin grupe "nga tubimet shoqërore dhe fetare".

Të paktën 35 shtete raportuan më shumë raste të reja me Covid-19 në javën e fundit sesa javën më parë, sipas të dhënave të Johns Hopkins.

Guvernatori i Neë Jersey, Phil Murphy të shtunën raportoi për 1,994 raste të tjera të koronavirusit, numri më i lartë në një ditë që nga maji.

 "Ne jemi akoma në mes të një pandemie dhe duhet që të gjithë ta marrin këtë seriozisht. Vish një maskë. Distancili social," shkroi Murphy në Tëitter.

 Neë Jersey pati tetë vdekje të reja të lidhura me virusin, duke e çuar numrin total të viktimave të shtetit në 14,492. "Ky virus nuk është zhdukur thjesht sepse jemi lodhur prej tij," tha Murphy.

Në Florida, zyrtarët shëndetësorë raportuan të shtunën 4,471 raste shtesë dhe 77 vdekje. Kjo është dita e tretë këtë muaj që shteti ka raportuar më shumë se 4,000 raste të reja në një ditë të vetme, sipas një liste të CNN. Florida ka pasur gjithsej 776,251 raste Covid-19 dhe 16,417 banorë të shtetit kanë vdekur, tha departamenti i shëndetësisë. Ka pasur gjithashtu 203 viktima të jorezidentëve.

Pennsylvania raportoi të shtunën 2,043 raste të reja.

"Rritjet ditore tani janë të krahasueshme me ato që pamë në Prill 2020," tha departamenti i shëndetit shtetëror në një deklaratë.

 Michigan, me 3,338 raste të reja të shtunën, shënoi totalin e tij më të lartë një-ditor gjatë pandemisë, sipas zëdhënësit të Departamentit të Shëndetit dhe Shërbimeve Njerëzore të Shtetit, Lynn Sutfin. Shteti raportoi gjithashtu 35 vdekje të reja. Dr. Joneigh Khaldun, Shefi Ekzekutiv Mjekësor i Miçiganit dhe zëvendës Shefi i Shëndetësisë, tha se të dhënat treguan "rritje alarmante" në infeksionet e reja.

"Nëse normat vazhdojnë kështu, ne rrezikojmë të mbingarkojmë spitalet tona dhe të kemi më shumë qytetarë që vdesin," tha Khaldun në një deklaratë.

Vaksina mund të mos vijë këtë vit

Ndërsa shumë ekspertë dhe zyrtarë kanë punuar për të dhënë vlerësime shpresëdhënëse se kur do të jetë në dispozicion një vaksinë anti Covid-19, afati kohor mbetet i pasigurt.

Drejtori i Instituteve Kombëtare të Shëndetit, Dr. Francis Collins tha se ai është optimist në lidhje me SHBA që do të kenë një vaksinë të autorizuar deri në fund të vitit, por kjo edhe mund të mos ndodhë dhe mund të zgjasë më shumë.

Por Collins shtoi se ishte një lajm i mirë që SH.B.A. kanë më shumë se një kandidat për vaksina në zhvillim.

"Nëse do të vinit bast të gjithë në një vaksinë, do të isha shumë më i shqetësuar," tha ai.

Vërejtjet e tij erdhën në të njëjtën ditë që prodhuesit e ilaçeve AstraZeneca dhe Johnson & Johnson njoftuan se ishin vendosur të rifillonin provat e vaksinës Covid-19 në pauzë në SH.B.A., të dyja panë frikë shëndetësore tek pjesëmarrësit.

Dhe kur një vaksinë të aprovohet, ekspertët kanë thënë se është thelbësore që mjaft amerikanë ta marrin atë. Nëse vetëm gjysma e vendit është e gatshme të vaksinohet, paralajmëroi Collins, Covid-19 mund të qëndrojë për vite me radhë.

"Kur shikoj qëndrimet që ekzistojnë tani rreth kësaj vaksine dhe se kush do të ishte i interesuar ta merrte atë,  është me të vërtetë, vërtet shqetësuese," tha Collins në një ngjarje virtuale të Klubit Kombëtar të Shtypit.