Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Covid-19 në SHBA, Fauci paralajmëron: Vendi do të përjetojë më shumë dhimbje dhe vuajtje në të ardhmen

Politiko 2 Gusht 2021, 09:18

Covid-19 në SHBA, Fauci paralajmëron: Vendi do të

Eksperti kryesor i sëmundjeve infektive në Shtetet e Bashkuara Anthony Fauci ka paralajmëruar se vendi do të përjetojë më shumë "dhimbje dhe vuajtje në të ardhmen" pasi infeksionet me koronavirus po rriten, veçanërisht në pjesët e vendit ku një numër i madh i popullsisë është e pavaksinuar.

Në një intervistë me programin This Ëeek të ABC dje, Fauci tha se "një shpërthim i të pavaksinuarve" ka nxitur një rritje dramatike të mesatares shtatë ditore të infeksioneve të reja në SHBA.

"Gjërat do të përkeqësohen, nëse shikoni rritjen e numrit të rasteve, mesatarja shtatë-ditore është rritur ndjeshëm. Ne nuk po besojmë në mbyllje, por ne po shohim për dhimbje dhe vuajtje në të ardhmen", tha Fauci.

Vaksinat kundër Covid-19 kanë qenë të disponueshme në Shtetet e Bashkuara prej muajsh dhe 60.4% e të rriturve konsiderohen të imunizuar plotësisht, sipas të dhënave nga Qendrat Amerikane për Kontrollin dhe Parandalimin e Sëmundjeve (CDC).

Sidoqoftë, shumë njerëz nuk janë vaksinuar për një sërë arsyesh, përfshirë pikëpamjet ideologjike dhe politike - dhe zyrtarët shëndetësorë prej javësh po u bëjnë thirrje që të marrin vaksinën, pasi varianti Delta po përhapet.

Mes shtimit të infeksioneve, javën e kaluar CDC rekomandoi që edhe amerikanët e vaksinuar plotësisht të mbanin maska ​​në hapësirat publike të mbyllura në pikat e nxehta të Covid-19.

Burimi: AL Jazzera

Të fundit