"Danimarka ndihmoi SHBA-në të spiunonte zyrtarët evropianë", raporti: Mes politikanëve të përgjuar edhe Merkel

Shërbimi sekret i Danimarkës ndihmoi SHBA-në të spiunonte politikanët evropianë, përfshirë kancelaren gjermane Angela Merkel nga viti 2012 deri në 2014-ën, raportojnë mediat daneze.

Shërbimi i Inteligjencës së Mbrojtjes (FE) bashkëpunoi me Agjencinë e Sigurisë Kombëtare të Sh.B.A (NSA) për të mbledhur informacion, sipas një raporti nga transmetuesi danez Danmarks Radio.

Inteligjenca mblodhi infomracione mbi zyrtarë të tjerë nga Gjermania, Franca, Suedia dhe Norvegjia, sipas raportit. Akuza të ngjashme dolën në 2013.

Pastaj, sekretet e zbuluara nga sinjalizuesi amerikan Edward Snowden pretenduan se kishin përgjuar telefonin e kancelares gjermane nga NSA.

Kur u bënë ato akuza, Shtëpia e Bardhë nuk e mohoi plotësisht, por tha se telefoni i Merkel nuk ishte duke u përgjuar në atë kohë dhe nuk do të ishte në të ardhmen. Gjermania është një aleate e ngushtë e SHBA.

Në një raport të ri të ndarë me disa agjenci evropiane të lajmeve, NSA thuhet se ka hyrë në mesazhet me tekst dhe bisedat telefonike të një numri individësh të shquar, duke përdorur kabllot daneze të internetit në bashkëpunim me FE.

"Operacioni Dunhammer", lejoi NSA të merrte të dhëna duke përdorur numrat e telefonit të politikanëve , sipas Danmarks Radio. Së bashku me Merkel, ministri i atëhershëm i Jashtëm gjerman Frank-Walter Steinmeier dhe udhëheqësi i opozitës në atë kohë Peer Steinbruck u tha gjithashtu se ishin në shënjestër.

Ministri i Mbrojtjes i Danimarkës Trine Bramsen, i cili thuhet se ishte informuar më herët për spiunazhin, i tha Danmarks Radio se "përgjimi sistematik i aleatëve të ngushtë është i papranueshëm".

As FE dhe as NSA nuk kanë komentuar ende mbi raportet e fundit. Pas lajmeve për këtë raport, Snowden akuzoi Presidentin e SHB-ve, Joe Biden se ishte "përfshirë thellë në këtë skandal herën e parë". Biden ishte nënkryetar i SHBA-së në kohën kur ndodhi përgjimi.

"Duhet të ketë një kërkesë të qartë për zbulimin e plotë publik jo vetëm nga Danimarka, por edhe partneri i tyre i vjetër gjithashtu," shkroi ai në Twitter.

Në 2013, Snowden - një ish-kontraktor për Agjencinë Qendrore të Inteligjencës së SHBA (CIA) - zbuloi në media detaje të mbikqyrjes së gjerë të internetit dhe telefonit nga inteligjenca amerikane.

SHBA atëherë e akuzoi atë për vjedhje të pronës qeveritare, komunikim të paautorizuar të informacionit të mbrojtjes kombëtare dhe komunikim të qëllimshëm të inteligjencës së klasifikuar të komunikimit. Snowden më vonë kërkoi strehim në Rusi. Referuar provave që ai nxori, zyrtarët e lartë të inteligjencës amerikane kishin këmbëngulur se NSA, kurrë nuk kishte mbledhur me vetëdije të dhëna nga të dhënat private të telefonit.

Burimi: BBC