Disa orë pas armëpushimit, nisin sërish përleshjet mes Armenisë dhe Azerbajxhanit

Armenia dhe Azerbajxhani kanë akuzuar sërish njëri-tjetrin për shkeljen e një armëpushimi të ri humanitar në lidhje me luftimet mbi zonën malore të Nago-Karabakut.

Armëpushimi i rënë dakord të shtunën, hyri në fuqi në mesnatë, pasi një armëpushim një-vjeçar i ndërmjetësuar nga Rusia nuk arriti të ndalë luftimet më të këqija në Kaukazin e Jugut që nga vitet 1990.

Ministria armene e mbrojtjes tha se ushtria azeriane kishte qëlluar dy herë gjatë natës dhe kishte përdorur artileri.

Ministria e mbrojtjes e Azerbajxhanit tha: "Armiku hapi zjarr në afërsi të qytetit Jabrail, si dhe fshatrave të këtij rajoni, duke përdorur mortaja dhe artileri”, duke shtuar se ushtria azeriane "mori masa adekuate hakmarrëse".

Zyrtarët në Nago-Karabak thanë se forcat Azeriane kishin filluar një sulm mbi pozicionet ushtarake të enklavës dhe kishte viktima dhe të plagosur në të dy palët.

Nagarag-Karabahu është një territor malor që njihet ndërkombëtarisht si pjesë e Azerbajxhanit por e populluar dhe e qeverisur nga Armenët etnikë. Armëpushimi në fillim të këtij muaji kishte për qëllim të linte palët të shkëmbenin të arrestuarit dhe trupat e atyre që u vranë në përleshje, por ajo kishte pak ndikim në luftimet përreth enklavës. 

Armëpushimi i ri u njoftua të shtunën pasi Ministri i Jashtëm rus, Sergei Lavrov bisedoi me homologët e tij armenë dhe azerbajxhanë në telefon dhe u bëri thirrje palëve të respektojnë armëpushimin që ai ndërmjetësoi një javë më parë.

Rusia, Franca dhe Shtetet e Bashkuara i përkasin Grupit të Minskut, i cili është përpjekur të ndihmojë në zgjidhjen e konfliktit nën ombrellën e Organizatës për Sigurinë dhe Bashkëpunimin në Evropë (OSBE). / The Independent

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm