“Dorëzohet” Facebook, do të rikthejë faqet e lajmeve në Australi

Facebook ka njoftuar se do të rikthejë përmbajtjet e lajmeve te përdoruesit e saj në Australi. Gjigandi i teknologjisë ka bllokuar lajmet për australianët në platformën e tij që nga e enjtja e kaluar, për shkak të një ligji të propozuar që do ta detyronte atë dhe Google të paguanin botuesit e lajmeve për përmbajtjen.

Ministri australian Josh Frydenberg tha se shefi i Facebook, Mark Zuckerberg i kishte thënë atij se ndalimi do të mbaronte "në ditët në vijim", pasi të mbaronin edhe bisedimet. Frydenberg tha se ndryshimet do të bëhen në ligj, shkruan BBC.

Të enjten e kaluar, australianët u zgjuan duke parë se nuk kishin asnjë qasje ose të mund të ndanin ndonjë lajm në llogaritë e tyre.

Facebook argumentoi se ishte detyruar të bllokonte lajmet australiane në përgjigje të legjislacionit të propozuar.

Kodi i lajmeve i qeverisë synon të krijojë një proces negocimi të drejtë midis gjigandëve të teknologjisë dhe kompanive të lajmeve mbi vlerën e përmbajtjes së lajmeve.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm