Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Dosja Epstein, dorëhiqet shefi i kabinetit të kryeministrit britanik

Politiko 8 Shkurt 2026, 16:04

Dosja Epstein, dorëhiqet shefi i kabinetit të kryeministrit britanik

Morgan McSweeney, shefi i kabinetit të kryeministrit britanik Keir Starmer, dha dorëheqjen të dielën, në një zhvillim që lidhet me ish-ministrin dhe ish-ambasadorin Peter Mandelson. Largimi i tij vjen pas zbulimeve të lidhjeve të Mandelson me Jeffrey Epstein, që kanë shkaktuar shqetësime të reja brenda Partisë Laburiste.

Raportohet se shumë deputetë laburistë e kishin kritikuar McSweeney për rolin e tij në përzgjedhjen e Mandelson si ambasador në Shtetet e Bashkuara, një vendim që tani po vihet nën pikëpyetje pas dokumenteve të publikuara nga dosjet e Epstein. Sipas këtyre dokumenteve, Mandelson dyshohet se mund të ketë ndarë informacione konfidenciale me financierin e dënuar për pedofili, gjatë kohës që ishte sekretar biznesi.

Skandali ka sjellë presion të ri mbi Mandelson, i cili u shkarkua nga posti i ambasadorit në shtator të kaluar. Autoritetet britanike kanë nisur edhe kontrolle në pronat e tij, për të hetuar nëse ish-ministri ka mundur të transmetojë informacione qeveritare financieri amerikan.

Zhvillimet e fundit kanë rindezur debatet mbi vendimet e kryeministrit Starmer për emërimet diplomatike dhe transparencën e brendshme në kabinetin qeveritar.

 

Të fundit