Duke nisur nga 17 maji, Anglia hap stadiumet për tifozët

Kryeministri britanik, Boris Johnson ka prezantuar planin e rihapjes së Britanisë së Madhe, pas masave strikte të vendosura për shkak të parandalimit të përhapjes së Covid-19.

Në planin e ri të lehtësimeve, "përfiton" dhe futbolli pasi duke nisur nga data 17 maj, stadiumet në Angli mund të mirëpresin sërish mbështetësit në shkallët e tyre. Sigurisht që rikthimi i tifozëve do të jetë sipas disa rregullave të mirëmenduara dhe nuk do të rikthehen me kapacitet të plotë.  Tifozët e lejuar në stadiume do të jenë rreth 25% e kapacitetit ose ndryshe, mesatarisht deri në 10 mijë.

Sigurisht që ky numër ndryshon në varësi të madhësisë që ka secili stadium. Por gjithsesi ky nuk është një lajm dhe aq i gëzueshëm për tifozët pasi data e rikthimit përkon me javën e fundit të kampionatit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm