Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Bota

Ekipet e shpëtimit në Gazë: Forcat izraelite vranë 25 persona, 12 në strehimore

Politiko 3 Korrik 2025, 15:08

Ekipet e shpëtimit në Gazë: Forcat izraelite vranë 25

Agjencia e mbrojtjes civile në Gazë njoftoi se forcat izraelite vranë të paktën 25 persona të enjten, përfshirë 12 në një sulm ndaj një shkolle që strehonte palestinezë të zhvendosur nga lufta që po hyn në muajin e saj të 22-të.

Izraeli ka zgjeruar së fundmi operacionet ushtarake në Rripin e Gazës, ku lufta që nga tetori i vitit 2023 ka shkaktuar kushte të rënda humanitare dhe ka zhvendosur thuajse të gjithë popullsinë prej mbi dy milionë banorësh.

Shumë prej tyre janë strehuar nëpër objekte shkollore, por këto objekte janë goditur shpesh nga sulme ajrore izraelite, të cilat ushtria i arsyeton duke thënë se synojnë militantë të Hamasit që fshihen mes civilëve. Të enjten në qytetin e Gazës, zyrtari i mbrojtjes civile, Mohammad al-Mughayyir, tha për AFP:

“Kemi 12 dëshmorë, shumica prej tyre gra dhe fëmijë, dhe një numër i madh të plagosurish nga një sulm ajror izraelit mbi shkollën Mustafa Hafez, e cila strehon të zhvendosur, në lagjen Al-Rimal”

Pamjet e AFP-së tregonin fëmijë të vegjël që endeshin nëpër ndërtesën e djegur e të shkatërruar, mes grumbujsh me mbetje të karbonizuara që ende lëshonin tym.

Grupe palestinezësh po kërkonin mes rrënojave dhe mobilieve të dëmtuara që mbulonin dyshemenë. E kontaktuar nga AFP, ushtria izraelite tha se po shqyrtonte raportin, si dhe një tjetër incident në Gazën qendrore, ku sipas Mughayyir-it, të shtënat izraelite vranë persona që po kërkonin ndihma humanitare.

Sipas tij, të shtënat vranë gjashtë persona dhe lanë “një numër të madh të plagosurish” në një zonë ku shpërndaheshin ndihma. Ky është vetëm një nga një sërë incidentesh të përgjakshme që kanë prekur njerëz që përpiqen të marrin ndihmat e pakta në dispozicion.

Kryeministri izraelit, Benjamin Netanyahu, u zotua të mërkurën se do të zhdukë Hamasin, organizata militante palestineze e shpallur terroriste nga SHBA dhe Bashkimi Evropian, e cila nisi luftën me sulmin e saj ndaj Izraelit në vitin 2023, megjithëse Hamasi ka thënë se po shqyrton propozime të reja për armëpushim nga ndërmjetësuesit.

Presidenti amerikan, Donald Trump, ka deklaruar se përpjekja më e fundit për armëpushim, e cila synon një ndalim fillestar 60-ditor të luftimeve, ka mbështetjen e Izraelit. Sulmi i Hamasit më 7 tetor 2023, që nxiti ofensivën izraelite, rezultoi me vdekjen e 1,219 personave, shumica civilë, sipas një përllogaritjeje të AFP-së bazuar në të dhënat zyrtare izraelite.

Fushata ushtarake hakmarrëse e Izraelit ka shkaktuar deri më tani vdekjen e të paktën 57,012 personave në Gaza, gjithashtu shumica civilë, sipas Ministrisë së Shëndetësisë në territorin e kontrolluar nga Hamasi. Kombet e Bashkuara i konsiderojnë këto të dhëna si të besueshme./ REL