Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

Bota

Ekzekutohet me breshëri plumbash bashkëpunëtori i bosit të drogës, 'El Nacho'

Politiko 30 Dhjetor 2020, 09:54

Ekzekutohet me breshëri plumbash bashkëpunëtori i bosit të

Një bashkëpunëtor i mbretit të kartelit të drogës, Joaquín 'El Chapo' Guzmán u ekzekutua brenda makinës së tij gjatë një sulmi në Meksikën veriore, sulm nga i cili u plagos gjithashtu vajza e tij tetë muajshe.

Ignacio Paez Soto, një operativ i Kartelit Sinaloa, ishte ulur brenda automjetit të tij me gruan e tij kur një grup vrasësish filluan sulmin jashtë një parkingu në një dyqan komercial në Caborca, Sonora.

Dëshmitarët u thanë autoriteteve se sulmuesit dolën nga një Jeep Cherokee dhe qëlluan në Volkswagen Passat të Paez para se të arratiseshin, raporton Daily Mail.

Paez - i njohur si 'El Nacho' dhe 'C1' - u qëllua më shumë se 50 herë dhe u shpall i vdekur në vendngjarje, thanë autoritetet.

Vajza e tij e vogël u qëllua në krah dhe u dërgua menjëherë në një spital nga Kryqi i Kuq, ndërsa nëna e fëmijës, e cila ishte gjithashtu ishte në vendin e ngjarjes, nuk u lëndua fizikisht, por u trajtua nga mjekët pasi pësoi një krizë nervore.

Paez thuhet se ka mbikëqyrur operacionet e Kartelit Sinaloa në të gjithë shtetin verior të Sonora që nga viti 2002, duke përfshirë terrenin në qytetet e Sásabe, Alta, Pitiquito dhe Caborca.

Karteli Sinaloa, së bashku me Kartelin e Gjeneratës së Re Jalisco, janë organizatat më të mëdha dhe më të fuqishme të trafikut të drogës në Meksikë.

Por Karteli Sinaloa është përfshirë nga një luftë e brendshme për pushtet që kur El Chapo u kap në 2016 dhe u ekstradua në Amerikë në 2017 me akuzat e drogës.

Tre djemtë e El Chapo, të njohur ndryshe si Los Chapitos, kanë luftuar për kontrollin e organizatës kundër një qelize të krijuar nga Rafael Caro Quintero.

Caro Quintero kërkohet nga Shtetet e Bashkuara për vrasjen e vitit 1985 të agjentit special Kiki Camarena të Administratës së Zbatimit të Drogës.

Të fundit