Flash News

Bota

Erdogan merr dozën e parë të vaksinës ndaj Covid-19: Gati 30 milionë doza të tjera priten nga Kina

Erdogan merr dozën e parë të vaksinës ndaj Covid-19: Gati 30
Presidenti turk Rexhep Tajip Erdogan

Presidenti turk Rexhep Tajip Erdogan mori dozën e parë të vaksinës COVID-19 në Spitalin e Qytetit të Ankarasë në kryeqytetin turk.

"Edhe unë jam vaksinuar," tha Erdoğan në rrjetin social pas dozës së parë, shkruajnë mediat turke. 

Duke iu drejtuar gazetarëve ndërsa po largohej nga spitali, presidenti tha se rreth 256,000 njerëz në të gjithë Turqinë kanë marrë dozat e tyre të para deri më tani.

"Ne synojmë të vaksinojmë të gjithë qytetarët tanë sa më shpejt të jetë e mundur," tha ai duke shtuar se gati 30 milionë doza të tjera vaksinash do të vijnë nga Kina.

Turqia miratoi përdorimin e vaksinës Sinovac të Kinësfillimisht për punonjësit shëndetësorë, ndërsa hap një program mbarëkombëtar të vaksinimit kundër sëmundjes që ka vrarë më shumë se 23,000 njerëz në vend. Deri më tani janë vaksinuar më shumë se 200,000 punonjës shëndetësorë.

Ditari politik

Të fundit