Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Facebook ndryshon politikat e tij, ndalon çdo përmbajtje që mohon apo shtrembëron Holokaustin
Facebook ka ndaluar për herë të parë, në mënyrë të qartë mohimin e Holokaustit.
Rrjeti social tha se politika e tij e re ndalon "çdo përmbajtje që mohon ose shtrembëron Holokaustin".
Shefi i Facebook, Mark Zuckerberg shkruajti se ai kishte "luftuar me tensionin" midis fjalës së lirë dhe ndalimit të postimeve të tilla, por "ky është ekuilibri i duhur".
Dy vjet më parë, Zuckerberg tha se postime të tilla nuk duhen hequr automatikisht për "gabim".
"Unë jam hebre dhe ka një grup njerëzish që mohojnë që Holokausti të ketë ndodhur," i tha ai Recode në atë kohë.
"Unë e konsideroj atë shumë ofenduese. Por në fund të ditës, nuk besoj se platforma jonë duhet ta heqë atë sepse mendoj se ka gjëra për të cilat njerëz të ndryshëm gabojnë. Unë nuk mendoj se ata po i bëjnë qëllimisht këto gabime", tha Zuckerberg.
Vërejtjet e tij asokohe çuan në një reagim të madh public, shkruan BBC.
Por të hënën, ndërsa Facebook ndryshoi politikat e tij, ai shkroi se kishte ndryshuar mendje.
"Mendimi im ka evoluar pasi kam parë të dhëna që tregojnë një rritje të dhunës, ashtu si politikat tona më të gjera mbi gjuhën e urrejtjes," shkroi ai në një postim publik në Facebook.
Të tërheqësh linjat e duhura midis asaj që është dhe nuk është e pranueshme me gjendjen aktuale të botës, besoj se ky është ekuilibri i duhur".
Në fillim të këtij viti, Facebook ndaloi gjuhën e urrejtjes që përfshinte stereotipe të dëmshme, përfshirë përmbajtjen antisemitike. Por mohimi i Holokaustit nuk ishte ndaluar. Nënkryetarja e politikës së përmbajtjes së Facebook, Monika Bickert, tha se kompania kishte marrë vendimin së bashku me "rritjen e dokumentuar të antisemitizmit globalisht dhe nivelin alarmues të injorancës për Holokaustin, veçanërisht midis të rinjve".
Ajo tha se këtë vit, kërkimi i Holokaustit, ose mohimi i tij në Facebook do t'i drejtojë përdoruesit në informacione "të besueshme". Por ajo gjithashtu paralajmëroi që ndryshimi nuk do të ndodhte brenda ditës dhe trajnimi i punonjësve të saj dhe sistemeve të automatizuara do të kërkonte kohë. Kongresi Botëror Hebre, i cili kishte biseduar me Facebook mbi antisemitizmin, e mirëpriti masën e marrë.
"Mohimi i Holokaustit, banalizimi i tij, minimizimi i tij, është një mjet i përdorur për të përhapur urrejtje dhe komplote të rreme rreth hebrenjve dhe pakicave të tjera," tha grupi në një deklaratë.
Jonathan Greenblatt, shefi ekzekutiv i Lidhjes Anti-Shpifje, shkroi në Twitter: "Kjo ka vite që po bëhet". "Duke qenë se jam angazhuar personalisht me Facebook për këtë çështje, unë mund të vërtetoj se ndalimi i Mohimit të Holokaustit është një çështje e madhe, jam i lumtur që më në fund ndodhi."