Fati ‘mizor’ i Kabulit, afganët iu trembën hakmarrjes së talebanëve, por ‘i gjunjëzoi’ terrori i ISIS

Kabuli u pushtua nga tensioni dhe kaosi, në momentin kur forcat talebane depërtuan në Afganistan dhe morën në dorë pushtetin. Braktisja e vendit nga ish-presidenti afgan Ashraf Ghani dhe largimi dalëngadalë i trupave amerikane, ishte zhgënjyes për popullin.

Sot, Kabuli sikur të mos mjaftohej me rihapjen e plagëve 20-vjeçare që talebanët shtypnin me forcë me duart e përgjakur, u gjunjëzua nga të tjerë terroristë.

Sulmi i dyfishtë, i vetëkomanduar nga nje terrorist i kushtoi Kabulit 60 jetë njerëzish, mes tyre fëmijë edhe gra. Duket se fati i femrave afgane është i prirur dhe i destinuar ose drejt skllavërisë në duart e talebanëve ose drejt vdekjes nga duart e terroristëve famëkeq të ISIS.

E ndërsa ata qëndronin në radhët e rrjetave me gjemba për tu ‘arratisur’ nga vendi, e për të filluar ndoshta një jetë më të qetë drejt normales, diku ku dora ‘talebane’ nuk do i dhunonte deri në vdekje, fati i tyre që pritej të merrte tjetër kthesë për 4 ditë, duket se u vulos sot.