Flash News

Alarm për bombë në parkingun e një hoteli në Tiranë!

Makina përfshihet nga flakët në autostradën Tiranë–Durrës, çfarë dyshohet

Zyrtare/ Massimiliano Allegri është trajneri i ri i Milan

Do të verifikohet vula e fletëve, të hënën hapet kutia e parë e 11 Majit

Trafik armësh Kosovë-Shqipëri, sekuestrohen pistoleta dhe automatikë, 10 të arrestuar

Bota

Forbes/ Angela Merkel shpallet gruaja më e fuqishme në botë

Politiko 9 Dhjetor 2020, 13:46

Forbes/ Angela Merkel shpallet gruaja më e fuqishme në botë

Prestigjiozja amerikane Forbes, ka shpallur ditën e sotme renditjen e saj për të 17-in vit rradhazi të “Grave më të Fuqishme të Botës”.

Për të 10-in vit, kancelarja gjermane, Angela Merkel zë vendin e parë, duke shënuar gjithashtu paraqitjen e saj të 15-të në këtë listë. Pas Merkel, në vend të dytë renditet Christine Lagarde, presidentja e Bankës Qendrore Evropiane. E re në Top treshen është zv.presidentja e zgjedhur amerikane, Kamala Harris, e cili do të shërbejë edhe si zv.presidentja e parë grua e Shteteve të Bashkuara dhe është amerikania e parë me ngjyrë që e mban atë pozicion. Në vendin e katërt dhe të pestë renditen presidentja e Komisionit Evropian, Ursula von der Leyen dhe filantropja amerikane, Melinda Gates.

“Mes pandemisë globale, udhëheqësit botërorë në listën e këtij viti kanë transformuar shoqërinë dhe vazhdojnë të rimodelojnë industritë e tyre përkatëse.  Në të gjithë korridoret e pushtetit, udhëheqësit në listën e këtij viti të 100 Grave më të Fuqishme të Botës po ngrihen për të adresuar sfidat e papara të vitit 2020", tha Moira Forbes, zv.presidente Ekzekutive, Forbes dhe Botuese, ForbesWomen.

Nga vendi i pestë deri tek i dhjetë, Forbes ka përmendur këto emra: Mary Barra, Nancy Pelosi Ana Patricia Bioton, Abigail Johnson dhe Gail Bourdreaux.

“Drejtuesit, themeluesit dhe filantropët në listën e Grave të Fuqisë 2020 janë modele globale për një udhëheqje të qëndrueshme dhe të zhytur në mendje mes një krize. Fuqia dhe ndikimi i tyre i vazhdueshëm në 2021 do të ndihmojë që ta bëjnë botën një vend më të shëndetshëm dhe më të sigurt për të gjithë qytetarët”, shkruhet më tej në revistë.

Të fundit