Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Foto/ Dita e 10 e luftës, më shumë ukrainas ikin ndërsa Rusia vazhdon sulmet

Politiko 5 Mars 2022, 15:26

Foto/ Dita e 10 e luftës, më shumë ukrainas ikin ndërsa

Një baba ukrainas i tha lamtumirë vajzës së tij. Gratë dhe fëmijët hipën në autobusë dhe trena. Në një pikë kufitare në Poloni, njerëzit u mblodhën për të dëgjuar një pianiste italiane.

Ndërsa forcat ruse shtynë fushatën e tyre në fronte të shumta të premten dhe kapën termocentralin më të madh bërthamor në Evropë, numri i refugjatëve që ikën nga Ukraina ka vajtur 1.2 milionë (numër ky që ndryshon nga momenti në moment).

Disa ditë pas një prite në të cilën vdiqën disa njerëz, një autobus i goditur nga plumbat ishte ende në një rrugë në kryeqytetin e Kievit. Jo shumë larg, anëtarët e policisë ukrainase varrosën një shok. Në një ofensivë njëjavore, ushtria ruse ka nisur qindra sulme me raketa dhe artileri në qytete dhe vende të tjera në të gjithë vendin.

Foto/ Dita e 10 e luftës, më shumë ukrainas ikin ndërsa

AP Photo/Emilio Morenatti
Aleksander, 41 vjeç, vendos duart e tij në dritare ndërsa i thotë lamtumirë vajzës së tij Anna, 5- vjeçe, në një tren për në Lviv në stacionin e Kievit, Ukrainë, e premte, 4 mars 2022. Aleksandri duhet të qëndrojë prapa për të luftuar në luftë ndërsa familja e tij largohet nga vendi për të kërkuar strehim në një vend fqinj.

AP Photo/Bernat Armangue
Një burrë qëndron pranë një skulpture të mbështjellë në qendër të qytetit të Lviv, në Ukrainën perëndimore, të premten, 4 mars 2022. Disa nga monumentet në Lviv janë pjesërisht të mbuluara për të ulur rrezikun e dëmtimit në rast të sulmeve në qytet.

AP Photo/Emilio Morenatti
Ushtarët mbajnë arkivolin me trupin e Volodymyr Nezhenets, 54 vjeç, gjatë funeralit të tij në qytetin e Kievit, Ukrainë, të premten, 4 mars 2022.

AP Photo/Emilio Morenatti
Një grua mban vajzën e saj teksa përpiqen të hipin në një tren në stacionin e Kievit, Ukrainë, të premten, 4 mars 2022.

AP Photo/Oleksandr Ratushniak
Një shtëpi është djegur pas granatimeve në qytetin e Irpin, në perëndim të Kievit, Ukrainë, e premte, 4 mars 2022.

AP Photo/Oleksandr Ratushniak
Njerëzit largohen nga qyteti i Bucha, afër Kievit, Ukrainë, e premte, 4 mars 2022.

AP Photo/Visar Kryeziu
Njerëzit mblidhen rreth pianistit italian Davide Mortarelli i cili po performon për refugjatët që ikin nga lufta në Ukrainë në pikën kufitare Medyka, Poloni, e premte, 4 mars 2022.

AP Photo/Emilio Morenatti
Një ushtar ukrainas përpiqet të shpërndajë turmën ndërsa ata shtyjnë të hyjnë në një tren për në Lviv në stacionin e Kievit, Ukrainë, e premte, 4 mars 2022.

AP Photo/Bernat Armangue
Një grua ha mëngjes brenda një kafeneje në qendër të qytetit të Lviv, në Ukrainën perëndimore, e premtee, 4 mars 2022.

AP Photo/Aurel Obreja
Fryma e një fëmije mjegullon fletët plastike në një tendë triazhi ku njerëzit që ikën nga Ukraina presin pasi kalojnë kufirin në Palanca, Moldavi,e premte, 4 mars 2022.

AP Photo/Emilio Morenatti
Një foto e Volodymyr Nezhenets, 54 vjeç, është vendosur në varrezat e tij gjatë funeralit të tij në qytetin e Kievit, Ukrainë, të premten, 4 mars 2022. Një grup i vogël rezervistësh po varrosin shokun e tyre, 54-vjeçarin Volodymyr Nezhenets, i cili ishte një nga tre të vrarët më 26 shkurt në një pritë që autoritetet ukrainase thonë se ishte shkaktuar nga 'diversantë' rusë.