Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Franca ‘gëlon’ nga protestat, Macron heq orën luksoze gjatë intervistës televizive

Politiko 25 Mars 2023, 08:49

Franca ‘gëlon’ nga protestat, Macron heq orën luksoze

Presidenti francez Emmanuel Macron është kritikuar pasi hoqi një orë luksoze gjatë një interviste për ndryshimet e pensioneve.

Franca është përfshirë nga protesta dhe greva për vendimin e Macron për të rritur moshën e pensionit nga 62 në 64.

Përfaqësuesit e Macron thanë se presidenti hoqi orën sepse ajo "po trokiste mbi tavolinë". Por kritikët e tij kanë pohuar se ora tregon se ai është jashtë kontaktit me publikun, shkruan BBC. 

Disa pretenduan se ajo vlente deri në 80,000 € (86,000 dollarë; 70,000 £), por Pallati Elysée tha se kjo nuk ishte e saktë.

Incidenti ndodhi gjate një interviste të mërkurën, kur Macron po justifikonte arsyet e tij për heqjen e moshës së pensionit. Teksa mbështeti parakrahët në tavolinë, u dëgjua një zhurmë.

Presidenti më pas vendosi duart nën tavolinë ndërsa vazhdonte të fliste. Kur i riktheu, ora ishte hequr.

Ekipi i tij këmbënguli se heqja ishte krejtësisht e paqëllimshme. Por ora që mungonte tërhoqi shpejt vëmendjen e kritikëve të tij.

Macron është kritikuar prej kohësh nga rivalët e tij politikë për mbështetjen e të pasurve.

Në shkurt, ai u sulmua pasi i dha Jeff Bezos, një prej njerëzve më të pasur në botë, nderin më të lartë të Francës, ndërsa njerëzit ishin në rrugë duke protestuar për të ardhmen e tyre financiare.

Të fundit