Frika nga Omicron, shumë shtete anulojnë fluturimet për Krishtlindje

Miliona njerëz po përballen me anulim të udhëtimit dhe rritje të kufizimeve gjatë Krishtlindjeve, për shkak të rasteve në rritje nga varianti Omicron, shkruan BBC.

Kjo ka bërë që shumë shtete të anulojnë fluturimet për Krishtlindje.

Italia, Spanja dhe Greqia i kanë bërë sërish të detyrueshme maskat për.

Katalonja, në veri të Spanjës, ka vendosur një shtetrrethim brenda natës dhe Holanda është në një bllokim të rreptë.

Pavarësisht gjetjeve të hershme se Omicron është më i butë se variantet e tjera, shkencëtarët janë të shqetësuar nga numri i rasteve.

Infeksionet rekord u regjistruan në Mbretërinë e Bashkuar, Francë dhe Itali të enjten.

Në SHBA, rastet e përditshme të Omicron janë rritur përtej kulmit të valës së fundit Delta dhe spitalet po mbushen në të gjithë vendin.

Eksperti më i lartë i sëmundjeve infektive në Amerikë, Dr Anthony Fauci, paralajmëroi në fillim të kësaj jave se udhëtimi i Krishtlindjeve do të rriste përhapjen e variantit edhe në mesin e të vaksinuarve plotësisht.

Në prag të Krishtlindjeve (e premte), linjat ajrore amerikane thanë se tashmë po vuanin nga mungesa e personelit për shkak të testimit pozitiv të ekuipazheve të fluturimit ose të detyruar të izolohen.

Qindra fluturime amerikane të planifikuara për 24 dhjetor janë anuluar, sipas faqes së internetit FlightAëare.

SHBA do të heqë kufizimet e udhëtimit të vendosura në tetë vende afrikane për shkak të shqetësimeve në lidhje me variantin Omicron më 31 dhjetor, konfirmoi Shtëpia e Bardhë.

Udhëtarët nga Afrika e Jugut, Botsvana, Zimbabve, Namibia, Lesoto, Esëatini, Mozambiku dhe Malavi ishin bllokuar që nga 29 nëntori.

Në Australi, gjithashtu, mijëra udhëtime festive u prekën të premten me më shumë se 100 fluturime të brendshme nga Sidnei dhe Melburni në qytete të tjera të anuluara.

 Në Mbretërinë e Bashkuar, ku aksionet e grevës pritet të pengojnë udhëtimin me tren në natën e Krishtlindjeve dhe të Vitit të Ri, kryeministri Boris Johnson ka përdorur mesazhin e tij të Krishtlindjes për t'i nxitur njerëzit të marrin vaksinat përforcuese.

Johnson ka përjashtuar mundësinë e sjelljes së kufizimeve të reja për Anglinë përpara ditës së Krishtlindjes. Shumë vende evropiane po përgatiten të vendosin kufizime menjëherë pas periudhës festive, duke përfshirë Gjermaninë, e cila do të kufizojë tubimet private në 10 persona dhe do të mbyllë klubet e natës nga 28 dhjetori. Edhe ndeshjet e futbollit do të luhen me dyer të mbyllura.