Gjermania në krizë, paralajmërimi i Merkel: Ndihmat për bizneset nuk mund të vazhdojnë për shumë kohë

Kancelarja gjermane, Angela Merkel, ka paralajmëruar se Gjermania nuk do të mund të japë për shumë kohë ndihma për bizneset. 

Në një deklaratë për mediat Merkel u shpreh se për shkak të pandemisë vendi mbart një barrë shumë të madhe borxhi, e cila do të duhet të shlyhet që nga 2023.

Sipas kancelares, situata pritet të vështirësohet për shkak të borxhit 180 miliardë euro që pritet të merret për të përballuar situatën e Covid-19 në 2021-shin.

Megjithatë, Merkel pranoi se kostoja për ekonominë dhe shoqërinë gjermane do të kishte qenë "edhe më e lartë" nëse qeveria nuk do të ndërhynte me një paketë paraprake të mbështetjes për të bizneset dhe qytetarët.

Që nga fillimi i pandemisë, ka qenë qëllimi i qeverisë federale të "mobilizojë burimet financiare të vendit tonë për t'iu kundërvënë krizës", deklaroi Merkel.

“Qeveria federale, landet dhe këshillat duhet të punojnë së bashku dhe në mënyrë konstruktive për të kapërcyer pandeminë dhe pasojat e saj në mënyrën më të mirë të mundshme. Kostot do të ishin edhe më të larta financiarisht dhe shoqërisht nëse shumë biznese do të falimentonin dhe miliona vende pune do të humbnin”, vijoi më tej kancelarja.

Pozita e fortë e Gjermanisë

Merkel tha se shumat e mëdha të marra për këtë vit dhe vitin e ardhshëm u siguruan vetëm falë suficitit buxhetor të siguruar nga qeveria në vitet e mëparshme.

Kancelarja shtoi se grantet dhe programet mbështetëse të ofruara nga shteti kishin krijuar një "bazë solide për kohën kur pandemia ishte nën kontroll”.

“Ekonomia gjermane duhet të jetë në një pozicion të mirë fillestar për t'u rritur përsëri shumë shpejt”, tha Merkel.

Megjithatë për t’u arritur një gjë e tillë, "qeveria federale, shtetet dhe bashkitë duhet të punojnë në mënyrë konstruktive dhe mirë së bashku për të kapërcyer pandeminë dhe pasojat e saj sa më mirë që të jetë e mundur”.

Borxhi pothuajse dyfishohet

Muajin e kaluar, qeveria njoftoi planet për të marrë gati 180 miliardë euro (218 miliardë dollarë) borxh të ri vitin e ardhshëm, i cili është pothuajse dyfishi i 96 miliardë eurove i shpallur fillimisht nga Ministri i Financave, Olaf Scholz.

Huamarrja shtesë do të jetë borxhi i dytë i dytë më i lartë neto në ekonominë më të madhe të Evropës që nga fundi i Luftës së Dytë Botërore dhe vjen pasi qeveria tashmë mori huazim rekord prej rreth 218 miliardë euro këtë vit.

Planet fiskale kërkuan që ministrat të pezullonin kufijtë e parashikuar sipas ligjit, të borxhit për 2021. Bundestag do të votojë për buxhetin e ri këtë javë, por disa politikanë të opozitës kanë akuzuar qeverinë për përdorimin e urgjencës shëndetësore për të krijuar një valë të madhe të shpenzimeve publike përpara zgjedhjeve federale të vitit të ardhshëm.