Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Gjermania vendos masë të re për të pavaksinuarit: Nuk do t’u paguhet periudha e karantinës

Politiko 22 Shtator 2021, 19:40

Gjermania vendos masë të re për të pavaksinuarit: Nuk do

Autoritetet shëndetësore gjermane kanë vendosur që duke filluar nga 1 nëntori, të pavaksinuarit nuk do të marrin kompensim për pagën e humbur nëse masat e anti-covid i detyrojnë ata të karantinohen.

Kjo do të ndikojë tek njerëzit që rezultojnë pozitivë dhe ata që kthehen nga udhëtimet në vendet e përcaktuara me “rrezik të lartë” për COVID-19, të cilat aktualisht përfshijnë Mbretërinë e Bashkuar, Turqinë dhe pjesë të Francës.

Kritikët kanë thënë se rregulla të tilla do të ishin ekuivalente me bërjen e detyrueshme të vaksinimeve kundër COVID, pasi shumë punëtorë nuk mund të përballojnë të qëndrojnë në shtëpi pa pagesë.

Humbja e fitimeve për të gjithë qytetarët që duhet të karantinohen dhe nuk mund të punojnë për shkak të një infeksioni të dyshuar ose aktual të koronavirusit, deri më tani, është paguar nga shteti, shkruan DW. 

Ministri i Shëndetësisë Jens Spahn mbrojti lëvizjen e re, duke thënë: "Pse të tjerët duhet të paguajnë për faktin që dikush ka vendosur të mos vaksinohet?" Ai theksoi se është ende e drejta e çdo qytetari të zgjedhë të mos vaksinohet; Partia e tij e qendrës së djathtë Demokristiane (CDU) ka kundërshtuar me vendosmëri vaksinimet e detyrueshme në të gjithë bordin.

"Nuk bëhet fjalë për presion, është për drejtësi," tha ai në një intervistë përpara takimit me ministrat e shëndetësisë.

Të fundit