Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

Bota

Gjykata e BE rrëzon vendimin për fshehjen e mesazheve të Ursula von der Leyen me Pfizer: Fitore për transparencën

Politiko 14 Maj 2025, 16:50

Gjykata e BE rrëzon vendimin për fshehjen e mesazheve të Ursula

Gjykata Evropiane e Drejtësisë ka rrëzuar një vendim të Komisionit Evropian për të mos bërë publike mesazhet me tekst mes presidentes Ursula von der Leyen dhe kreut të Pfizer, Albert Bourla, duke i dhënë të drejtë gazetës New York Times në betejën për qasjen në këto komunikime të ndjeshme gjatë pandemisë.

Vendimi i gjykatës vjen pas një padie të ngritur nga gazeta amerikane, e cila kërkoi publikimin e mesazheve në kuadër të së drejtës për lirinë e informacionit. Mesazhet, që besohet se janë shkëmbyer gjatë negociatave për sigurimin e 1.8 miliardë dozave të vaksinës Pfizer/BioNTech, ishin kërkuar përmes një kërkese zyrtare nga gazetari investigativ Alexander Fanta që në maj 2021. Pas refuzimit të komisionit, çështja përfundoi fillimisht në zyrën e Avokatit të Popullit Evropian, i cili shpalli komisionin fajtor për keqadministrim.

Në vendimin e saj, gjykata thekson se Komisioni Evropian “nuk respektoi detyrimet ligjore të BE-së për qasje në dokumente” dhe nuk dha një justifikim të besueshëm përse nuk i dispononte ose përse nuk i publikonte mesazhet e kërkuara. Ajo vërejti gjithashtu mungesën e sqarimeve nga komisioni për fatin e mesazheve, nëse ato janë fshirë, apo nëse kjo është bërë qëllimisht apo automatikisht.

Zëdhënësi i New York Times e quajti vendimin një “fitore për transparencën dhe llogaridhënien në Bashkimin Evropian”, duke shtuar se ai dërgon një mesazh të qartë se “edhe komunikimet e përkohshme nuk janë përtej shqyrtimit publik”.

Përkundër vendimit të gjykatës, Komisioni Evropian la të hapur mundësinë për të mos i publikuar menjëherë mesazhet, duke deklaruar se do të “studi vijimisht” vendimin dhe se do të marrë një vendim të ri mbi kërkesën, këtë herë me një “shpjegim më të detajuar”.

Ky zhvillim konsiderohet si një goditje për presidenten e Komisionit, Ursula von der Leyen, në një moment kur ajo sapo ka nisur mandatin e saj të dytë pesëvjeçar. Pavarësisht vlerësimeve për menaxhimin e krizës së pandemisë, von der Leyen është përballur me kritika për mungesë transparence dhe një stil udhëheqjeje të centralizuar.

Të fundit