Hera e parë në SHBA/ Dhoma e Përfaqësuesve voton ngritjen e akuzave për shkarkimin e Donald Trump, mes tyre 10 republikanë  

Ligjvënës të mjaftueshëm kanë votuar pro ngritjes së akuzave për shkarkimin e Donald Trump.

Me të paktën 217 anëtarë, mes tyre edhe dhjetë republikanë kanë votuar pro inkriminimit të Trump, si nxitës në protestën e dhunshme në SHBA, ku mbetën të vrarë 5 persona, mes tyre një polic javën e shkuar në Capitol Hill.  

Akuza që rëndon ndaj tij është “nxitje e një kryengritjeje”.

Kjo është hera e parë në historinë e Amerikës që ndaj një presidenti ngrihen dy herë akuza për shkarkim gjatë mandatit të tij.

Ky proces i fajësimit është krejtësisht i ri dhe ndryshe nga ai që pamë në fund të vitit 2019 rreth hetimit të Ukrainës, veçanërisht për shkak se gjyqi i Senatit pritet të ndodhë pasi Trump të largohet nga zyra.

Tashmë, procesi i kalon Senatit, dhoma e sipërme e Kongresit, e cila zhvillon gjyqin, raporton cnn. Sipas Kushtetutës, dy të tretat e senatorëve janë të nevojshëm për të dënuar dhe larguar presidentin.

Shumica e thjeshtë mund të vendosë që mos ta lejojë Trump të kandidojnë sërish për zgjedhjet presidenciale amerikane

10 republikanët pro rezolutës:

Dhjetë republikanë u bashkuan me kolegët e tyre demokratë në votimin në favor të rezolutës së fajësimit.

Rep Dan Neëhouse i Uashingtonit

Rep. John Katko i Nju Jorkut

Rep. Jaime Herrera Beutler nga Uashingtoni

Rep. Adam Kinzinger nga Illinois

Rep. Fred Upton i Miçiganit

Rep Liz Cheney nga Ëyoming

Rep Peter Meijer nga Miçigan

Rep Anthony Gonzalez nga Ohajo

Rep Tom Rice i Karolinës së Jugut

Rep David Valadao nga Kalifornia