Hyn në fuqi kufiri i çmimit për naftën ruse/ Zelensky i pakënaqur, ç’pritet të ndodhë

Çmimet e naftës janë rritur pasi prodhuesit kryesorë ranë dakord të vazhdojnë të ulin prodhimin dhe G7-ta e aleatët e saj ranë dakord për të kufizuar çmimin e naftës ruse.

Nafta e papërpunuar Brent u rrit me rreth 0.6% në mbi 86 dollarë për fuçi mëngjesin e së hënës. Të premten, G7 ranë dakord të kufizojnë çmimin e naftës ruse në 60 dollarë për fuçi për të rritur presionin ndaj Rusisë për pushtimin e Ukrainës.

Ndërkohë, grupi i prodhuesve të naftës Opec+ tha në fundjavë se do t'i përmbahet politikës së tij për uljen e prodhimit.

Zelensky i Ukrainës e konsideroi vendimin "të dobët" dhe jo shumë ndëshkues për Rusinë. 

Analistët thanë se çmimet e naftës ishin rritur gjithashtu nga lehtësimi i kufizimeve të Covid në disa qytete kineze, gjë që mund të çojë në një rritje të kërkesës për naftë.

Më shumë qytete në Kinë, përfshirë Urumqi në veriperëndim, kanë thënë se do të lirojnë frenimet pas protestave masive kundër politikës zero të vendit për Covid.

Kufiri i çmimit do të thotë se vetëm nafta ruse e blerë për më pak se 60 dollarë për fuçi do të lejohet të transportohet duke përdorur cisternat e G7 dhe BE-së, kompanitë e sigurimeve dhe institucionet e kreditit.

Kjo mund ta bëjë të vështirë për Moskën që të shesë naftën e saj me një çmim më të lartë, sepse shumë kompani të mëdha të transportit dhe sigurimit janë të bazuara brenda G7.

Rusia ka thënë se nuk do të pranojë kufirin e çmimit dhe ka kërcënuar të ndalojë eksportin e naftës në vendet që miratojnë masat.

Burimi: BBC