I infektuar me COVID-19, ndërron jetë në moshën 94-vjeçare ish-presidenti francez

COVID-19 i merr jetën ish-presidentit francez, Valéry Giscard d’Estaing. Ish-presidenti është shuar në moshën 94 vjeçare pas komplikacioneve prej virusit të rrezikshëm.

Giscard d’Estaing, i cili shërbeu si udhëheqësi i Francës nga 1974 në 1981, ishte një politikan i qendrës së djathtë që liberalizoi ligjet mbi divorcin, abortin dhe kontraceptivët gjatë shtatë viteve të tij në Elysée.

"Vdekja e tij ka zhytur në zi vendin e kombit francez," shtoi Macron.

Giscard d’Estaing ishte shtruar së fundmi në spital në Tours me probleme të frymëmarrjes. Ai ndërroi jetë në shtëpi e tij pas disa komplikacioneve shëndetësore.

"Gjendja e tij shëndetësore ishte përkeqësuar dhe ai vdiq si pasojë e Covid-19," tha familja e tij në një deklaratë.

Paraqitja e fundit publike e ish-presidentit ishte në 30 shtator të vitit të kaluar për varrimin e një tjetër figure politike franceze, ish-presidenti, Zhak Shirak.

Giscard d’Estaing u zgjodh president në moshën 48 vjeç, pas viteve të qeverisjes Gaulliste në Francë dhe menjëherë u përpoq të liberalizonte ekonominë dhe qëndrimet shoqërore. Reforma e tij rrënjësore nxiti shoqërinë moderne franceze, duke lejuar divorcin me pëlqimin e ndërsjellë dhe legalizimin e abortit, si dhe uljen e moshës së votimit në 18 vjeç. Ai megjithatë nuk u përpoq të hiqte dënimin me vdekje. Ai gjithashtu ‘hodhi tutje’ uniformën ceremoniale, të zgjedhur nga presidentët e mëparshëm për portretet e tyre dhe rastet zyrtare.

Në mesazhin e tij të ngushëllimit, kreu i partisë qeverisëse të Macron, La République En Marche (LREM), Christophe Castaner, tha se: "Politikat e tij moderne dhe me vendosmëri progresive ... do të shënojnë gjatë trashëgiminë e tij".

Ndërkaq, ish-ministri dhe kandidati për president, Giscard, i cili ishte edhe një nga miqtë e ish-presidentit francez, tha se "Valéry Giscard d’Estaing dominoi pothuajse natyrshëm me praninë e tij, dallimin e tij, gjuhën e tij, gjallërinë dhe intuitat e tij".

Ish-presidenti francez dha kontributin e tij edhe  në Evropë. Ai ndihmoi në nxitjen e lëvizjeve drejt një bashkimi monetar, në bashkëpunim të ngushtë me homologun e tij gjerman, kancelarin, Helmut Schmidt, me të cilin u bë shok dhe vitet e udhëheqjes së tij pothuajse u zhvendosën me të tijën.

Së bashku ata lançuan Sistemin Monetar Evropian (EMS), një pararendës i monedhës së sotme të vetme, euros.

Giscard d’Estaing vinte nga një familje e shtresës së lartë franceze dhe ishte pjesë e elitës. Ai studioi në elitën e Francecole Polytechnique të Francës dhe École Nationale d’Administration, shtëpia për klasën politike të vendit.