Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Bota

Sulmi me 36 të plagosur në Mynih/ Prokurorët ngrenë dyshime: Mund të ketë pasur motiv xhihadist!

Politiko 14 Shkurt 2025, 17:02

Sulmi me 36 të plagosur në Mynih/ Prokurorët ngrenë dyshime:

Një burrë afgan i arrestuar nën dyshimet për drejtim të makinës drejt një turme në Munih, duke lënë të plagosur 36 persona, e ka pranuar se e ka kryer sulmin, dhe duket se ka pasur motiv fetar, kanë thënë prokurorët.

Prokurorja publike e Munihut, Gabriele Tilmann, u ka thënë gazetarëve se i dyshuari ka bërtitur “Allahu Akbar” (Zoti është më i madhi) në gjuhën arabe, kur është ndaluar, dhe ajo ka sugjeruar që burri afgan “mund të ketë pasur motiv xhihadist”.

Një vajzë dyvjeçare është në mesin e dy personave që janë plagosur rëndë në sulmin që ka ndodhur afër stacionit në qendër të Munihut të enjten. Ajo është nën kujdes intensiv.

Edhe tetë persona tjerë janë plagosur seriozisht. Duke përditësuar të dhënat për viktimat, policia ka thënë se 32 kanë qenë burra dhe katër gra.

Për këtë rast është raportuar 10 ditë para zgjedhjeve që do të mbahen në Gjermani, të cilat kanë mbetur në hije nga një mori sulmesh që janë kryer prej imigrantëve.

Dy prej sulmuesve të dyshuar janë prej Afganistanit.

Presidenti gjerman, Frank-Walter Steinmeier, e ka vizituar të premten skenën e sulmit dhe ka thënë se “brutaliteti i këtij akti na shqetëson dhe na ka tronditur”.

Shefi policor Guido Limmer ka thënë se i dyshuari, i identifikuar is Farhad N, 24 vjeç, është marrë në pyetje për dy orë, pasi e ka kryer sulmin.

Përgjatë marrjes në pyetje, ai i ka treguar policisë që me qëllim e ka drejtuar makinën kah turma e njerëzve, të cilët ishin duke marrë pjesë në një protestë atë kohë.

I dyshuari nuk ka të kaluar kriminale dhe nuk ka të dhëna që ai ka qenë pjesë e ndonjë grupi xhihadist.

Ai ka arritur në Gjermani më 2016 dhe ndonëse i është refuzuar kërkesa për azil, atij i është mundësuar qëndrimi në Gjermani, meqë ka pasur leje valide për jetesë dhe punë./REL

Të fundit