Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

Bota

Tërmeti në Afganistan, numri i viktimave shkon 920 dhe 600 të plagosur

Politiko 22 Qershor 2022, 12:08

Tërmeti në Afganistan, numri i viktimave shkon 920 dhe 600 të

Një tërmet i fuqishëm ka vrarë të paktën 920 persona dhe ka lënë qindra të tjerë të plagosur në Afganistan, thonë zyrtarët talebanë.

Udhëheqësi i talebanëve Hibatullah Akhundzada tha se qindra shtëpi u shkatërruan dhe numri i të vdekurve ka të ngjarë të rritet.

Tërmeti ishte rreth 44 km nga qyteti juglindor i Khost dhe ndodhi në orët e para të mëngjesit. Tërmetet priren të shkaktojnë dëme të konsiderueshme në Afganistan, ku ka shumë zona rurale ku banesat janë të paqëndrueshme ose të ndërtuara keq.

Zyrtarët talebanë kërkuan që agjencitë e ndihmës të nxitojnë në zonat e prekura në lindje të vendit.

Shumica e viktimave deri më tani ishin në rrethet Gayan dhe Barmal në Paktika. Lëkundjet u ndjenë në Afganistan, Pakistan dhe Indi. Dëshmitarët raportuan se e ndjenë tërmetin në kryeqytetin e Afganistanit, Kabul, si dhe në kryeqytetin e Pakistanit, Islamabad.

Në 10 vitet e fundit, më shumë se 7,000 njerëz janë vrarë nga tërmetet në vend, raporton Zyra e OKB-së për Koordinimin e Çështjeve Humanitare. Ka mesatarisht 560 vdekje në vit nga tërmetet.

Burimi: BBC

Të fundit