Flash News

Ndarja nga jeta e Papa Françeskut, e shtuna shpallet ditë zie në Shqipëri

Atentati me 4 të plagosur në Lundër, gjenden sende të autorëve në vendngjarje

Grabitja e pronave në Gjipe, Berisha paralajmëron Ramën: Nuk do e gëzosh tokën, është e banorëve dhe e manastirit

Berisha prezanton kandidatët në Himarë: Paprekshmëria e pronës, pajisja me dokumente, përparësi absolute

Policia pranon dhunën ndaj të miturit në Komisariatin e Tiranës, nis hetim disiplinor ndaj 3 inspektorëve

Bota

I pezulloi pak ditë më parë, Trump paralajmëron: Tarifat do të rikthehen sërish brenda 2-3 javësh

Politiko 24 Prill 2025, 11:14

I pezulloi pak ditë më parë, Trump paralajmëron: Tarifat do

Presidenti amerikan, Donald Trump, ka thënë të mërkurën se administrata e udhëhequr nga ai mund t’i rikthejë tarifat reciproke “brenda dy, tri javëve”, të pezulluara më 9 prill, transmeton The Guardian.

Teksa ka folur në Shtëpinë e Bardhë, presidenti amerikan ka deklaruar se “në fund të ditës, mendoj se ajo çka do të ndodhë, është se ne do të nënshkruajmë marrëveshje të mira, dhe meqë ra fjala, nëse nuk kemi marrëveshje me ndonjë kompani ose shtet, atëherë do t’i rikthejmë tarifat. Do të thosha në javët e ardhshme. Brenda dy, tri javëve të ardhshme”.

Më datë 9 prill, Trump kishte “pezulluar” shumicën e tarifave të cilat i kishte vendosur ndaj pothuajse secilit partner tregtar të SHBA-së. Prononcimi i tij i fundit krijon paqartësi për importuesit dhe eksportuesit nëse do të ballafaqohen ose jo me tarifën 10 për qind të paralajmëruar në fillim apo me ndonjë shifër krejtësisht të re.

Deri më tani, komponentët kyç të ekonomisë globale i kanë rezistuar presionit prej administratës Trump. Bashkimi Evropian ka deklaruar se nuk ka asnjë synim për të ndryshuar rregullat e tij për tatimin mbi vlerën e shtuar – një taksë që vendoset mbi mallra të caktuara në pikën e shitjes në vendet e BE-së – apo për subvencionet bujqësore.

Të fundit