Flash News

Transportonte emigrantë të paligjshëm, arrestohet 24-vjeçari në Sarandë

EMRI/ Gjendet i vdekur brenda një shpelle i moshuari në Lezhë

Vrasja e kryekomisarit Artan Cuku, Gjykata e Tiranës dënon me burg përjetë dy autorët

I akuzuar për vrasje, Europol në kërkim të kriminelit shqiptar (EMRI)

U ekstradua nga Zimbabve, GJKKO lë në burg administratorin e inceneratorit të Fierit

Bota

IAEA zhvillon sot mbledhje urgjente pas sulmeve izraelite ndaj objekteve bërthamore në Iran

Politiko 16 Qershor 2025, 09:42

IAEA zhvillon sot mbledhje urgjente pas sulmeve izraelite ndaj objekteve

Bordi i Guvernatorëve i Agjencisë Ndërkombëtare për Energjinë Atomike (IAEA) do të zhvillojë sot një seancë urgjente në selinë e saj në Vjenë, për të diskutuar pasojat e sulmeve ushtarake të Izraelit ndaj objekteve bërthamore të Iranit.

Mbledhja është thirrur me kërkesë të Iranit dhe është mbështetur nga disa vende anëtare, përfshirë Rusinë, Kinën dhe Venezuelën.

Fillimisht, Irani kishte synuar të paraqiste një rezolutë për të dënuar zyrtarisht sulmet izraelite. Megjithatë, burime diplomatike të cituara në media kanë bërë të ditur se një tekst i tillë kishte pak gjasa të merrte shumicën e votave. Për këtë arsye, Irani po synon tani miratimin e një deklarate më të përgjithshme, që gjithsesi përfshin një dënim të veprimeve izraelite.

Seanca e jashtëzakonshme vjen në një moment tensionesh të larta ushtarake mes Izraelit dhe Iranit, pas goditjeve ajrore që kanë shënjestruar qendrat bërthamore iraniane në Natanz dhe Fordow.

Përdorimi i forcës ushtarake nuk është parashikuar si mjet zgjidhjeje për çështjet bërthamore sipas Traktatit për Mospërhapjen e Armëve Bërthamore (NPT). Irani insiston se komuniteti ndërkombëtar dhe vetë IAEA duhet të reagojnë me dënim ndaj këtyre veprimeve. Megjithatë, duke marrë parasysh rrethanat aktuale gjeopolitike, një reagim i qartë dhe i bashkërenduar duket pak i mundshëm.

Ende mbetet e paqartë nëse kjo mbledhje do të ketë ndonjë ndikim konkret në uljen e përshkallëzimit apo në mundësinë e një armëpushimi të menjëhershëm mes dy vendeve, që vijojnë shkëmbimet hakmarrëse me intensitet të shtuar.

Të fundit