Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Bota

Infermierja portugeze ndërron jetën dy ditë pasi mori vaksinën Pfizer/BioNTech

Politiko 5 Janar 2021, 12:02

Infermierja portugeze ndërron jetën dy ditë pasi mori

Një punonjëse shëndetësore portugeze ka ndërruar jetë dy ditë pasi mori vaksinën Pfizer.

Sonia Acevedo, 41 vjeç, vdiq papritur në shtëpi në ditën e parë të vitit të ri, 48 orë pasi mori dozën e parë të vaksinës. Një autopsi pritet të tregojë shkakun e vdekjes, shkruan Daily Mail.

Nëna e dy fëmijëve, e cila ka punuar në pediatri në Institutin Portugez të Onkologjisë në Porto, thuhet se nuk ka pësuar ndonjë efekt anësor të padëshiruar si pasojë e vaksinimit.

Babai i zonjës Acevedo, Abilio Acevedo i tha të përditshmes portugeze “Correio da Manha”: Ajo ishte mirë. Nuk kishte pasur ndonjë problem shëndetësor. Ajo mori vaksinën kundër Covid-19, por nuk kishte ndonjë simptomë. Nuk e di se çfarë ka ndodhur. Unë dua vetëm një përgjigje. Unë dua të di se çfarë çoi në vdekjen e vajzës sime.

Punëdhënësit e zonjës Acevedo konfirmuan se gruaja e ndjerë ishte vaksinuar kundër koronavirusit më 30 dhjetor dhe thanë se nuk ishin njoftuar për ndonjë 'efekt të padëshiruar' kur ajo u vaksinua ose në orët më pas.

Instituti Portugez i Onkologjisë tha në një deklaratë: Në lidhje me vdekjen e papritur të një ndihmëseje operative nga IPO në Porto, më 1 janar 2021, Bordi i Drejtorëve konfirmon ngjarjen dhe shpreh keqardhje të sinqertë për familjen dhe miqtë me sigurinë që kjo humbje ndihet edhe këtu. Shpjegimi i shkakut të vdekjes do të ndjekë procedurat e zakonshme në këto rrethana.

Acevedo kishte punuar në IPO Porto, një institucion shëndetësor kombëtar dhe ndërkombëtar në trajtimin, kërkimin dhe edukimin e kancerit, për më shumë se 10 vjet. Ajo jetonte me familjen e saj në Maia afër Porto, por vdiq në shtëpinë e partnerit të saj në Trofa. Ajo ndryshoi foton e saj të profilit në Facebook menjëherë pas vaksinimit të saj, për të postuar një selfie me një maskë në fytyrë dhe mesazhin: 'Vaksinuar kundër Covid-19.’

Vajza e zonjës Acevedo, Vania Figueredo tha se nëna e saj ishte ankuar vetëm për shqetësime normale në zonën ku u vaksinua, por ishte mirë. Duhet të pritet rezultati i autopsisë që të vërtetohet shkaku i vdekjes së 41-vjeçares.

Të fundit