Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Inteligjenca amerikane zbulon se Rusia po planifikon një ofensivë ndaj Ukrainës në fillim të 2022-shit

Politiko 4 Dhjetor 2021, 13:17

Inteligjenca amerikane zbulon se Rusia po planifikon një ofensivë ndaj

Presidenti Joe Biden është zotuar ta bëjë "shumë, shumë të vështirë" për Vladimir Putinin e Rusisë që të ndërmarrë veprime ushtarake në Ukrainë, pasi zyrtarët e inteligjencës amerikane kanw paralajmëruar se Rusia po planifikon një ofensivë të mundshme ushtarake që mund të fillojë në fillim të vitit 2022, shkruan AP.

Zbulimi i ri i inteligjencës vlerëson se rusët po planifikojnë të vendosin rreth 175,000 trupa dhe pothuajse gjysma e tyre janë vendosur tashmë përgjatë pikave të ndryshme pranë kufirit të Ukrainës, sipas një zyrtari të administratës Biden, i cili foli në kushte anonimiteti.

Kjo vjen pasi Rusia ka pranuar kërkesat për të garantuar se Ukraina nuk do të lejohet të bashkohet me aleancën e NATO-s.

Zyrtari shtoi se planet parashikojnë lëvizjen e 100 grupeve taktike të batalioneve ruse së bashku me forca të blinduara, artileri dhe pajisje.

Zyrtarët e inteligjencës kanë parë gjithashtu një rritje në përpjekjet e propagandës ruse përmes përdorimit të përfaqësuesve dhe organeve mediatike për të denigruar Ukrainën dhe NATO-n përpara një pushtimi të mundshëm, tha zyrtari.

I pyetur në lidhje me gjetjet e inteligjencës, Biden përsëriti shqetësimet e tij për provokimet ruse.

“Ne kemi qenë të vetëdijshëm për veprimet e Rusisë për një kohë të gjatë dhe pritshmëria ime është se do të kemi një diskutim të gjatë me Putinin”, tha Biden.

Rreziqet e një loje të tillë për Putinin, nëse ai do të kalonte në të vërtetë me një pushtim, do të ishin të mëdha.

Zyrtarët amerikanë dhe ish-diplomatët amerikanë thonë se ndërsa Putini qartë po hedh bazat për një pushtim të mundshëm, ushtria e Ukrainës është e armatosur dhe e përgatitur më mirë sot se në vitet e kaluara dhe sanksionet e kërcënuara nga Perëndimi do t'i bënin dëm serioz ekonomisë së Rusisë.  

Të fundit