Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ironia e fatit në sulmin terrorist në Vjenë: Tre policë shqiptarë, vranë një terrorist shqiptar, i cili vrau një shqiptar të pafajshëm

Politiko 3 Nëntor 2020, 17:29

Ironia e fatit në sulmin terrorist në Vjenë: Tre policë

Mbrëmja e 3 nëntorit tronditi jo vetëm Vjenën, kryeqytetin austriak, por edhe mbarë Europën.

Një sulm terrorist i përqendruar në gjashtë pika të ndryshme në zonën e Schwedenplatz, shkaktoi katër viktima dhe 15 të plagosur, përfshirë edhe një polic, ndërsa dy nga terroristët u vranë gjatë aksionit për arrestimet e tyre.

Deri tani, mediat vendase raportojnë se numri i autorëve të sulmit dyshohet të jetë 12 dhe mendohet se janë simpatizantë të ISIS.

Pak pas sulmit, policia mundi të arrestojë katër prej tyre, moment që bëri xhiron e rrjetit përmes videove nga dëshmitarët okularë.

Ndërkohë, një ditë pas ngjarjes së rëndë mediat shqiptare raportuan se pjesë e kësaj ngjarje janë bërë edhe shqiptarët e Kosovës dhe Maqedonisë së Veriut.

Kështu, një nga atentatorët e dyshuar të sulmeve terroriste ne Vjenë është një shqiptar i Maqedonisë së Veriut lindur e rritur në Austri, mbështetës i ISIS, Kujtim Fejzullahi.

Ai njihej si person që ka qenë i dënuar për terrorizëm në vitin 2019, por edhe si një futbollist i talentuar në vitet e tij të adoleshencës dhe supozohet të ketë rënë në kontakt me aktivist të ISIS në Modling. 

Ndërkohë, për ironi të fatit, tre nga policët pjesëmarrës në aksionin për asgjësimin e terroristëve pohohet nga Ministrja e Jashtme e Kosovës se ishin shqiptarë të integruar në Austri, mes tyre edhe Doruntina Miroci, ndërsa mes jetëve të humbura në këtë sulm terrorist u rendit fatkeqësisht edhe një shqiptar nga Veleshta e Strugës.

Mediet në Maqedoni të Veriut bëjnë të ditur se shqiptari i vrarë është Nexhip Vrenezi, 20-vjeç.

Të dyshuarit raportohet të jenë mes 16 dhe 25 vjeç dhe të gjithë kanë lindur në Vjenë, Kosovë, Bangladesh, Shën Pölten, Çeçeni dhe Mödling.

Të fundit