Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ish-gjenerali britanik: S’ka zgjidhje tjetër, NATO duhet të luftojë me Rusinë

Politiko 8 Mars 2022, 11:20

Ish-gjenerali britanik: S’ka zgjidhje tjetër, NATO duhet të

Gjenerali britanik në pension Sir Chris Deverell beson se NATO-ja përfundimisht do të duhet të luftojë Rusinë dhe thotë se blloku i sigurisë duhet të zbatojë një zonë të ndaluar fluturimi mbi Ukrainë.

Deverell, i cili drejtoi inteligjencën ushtarake, kibernetike dhe forcat speciale si komandant i Komandës së Forcave të Përbashkëta përpara daljes në pension të tij në 2019, kishte deklaruar më parë se ishte kundër forcave të NATO-s që të mbyllnin qiejt mbi Ukrainë.

Por gjenerali në pension u tërhoq nga komentet e tij të mëparshme, duke supozuar se Putini duket 'i vendosur për përshkallëzim' dhe se konflikti me NATO-n është i pashmangshëm.

“Kam qenë kundër vendosjes së një zone ndalim-fluturimi nga NATO në Ukrainë, duke besuar se kjo me siguri do të përshkallëzonte konfliktin. Por Putini duket i prirur për përshkallëzim”, shkroi Deverall, raportojnë mediat e huaja.

Komentet e Deverell erdhën pasi Ministri i Jashtëm ukrainas Dmytro Kuleba tha se forcat e SHBA-së dhe NATO-s do të refuzonin një zonë ndalim-fluturimi mbi qiellin e vendit të tij vetëm nëse u mungonte 'besimi' në aleancën ushtarake.

Kuleba i kërkoi dje SHBA-së dhe NATO-s të vendosin një zonë ndalim-fluturimi mbi vendin e tij për të parandaluar fushatat e mëtejshme të bombardimeve ruse, pavarësisht se skeptikët paralajmëruan se mund të përshkallëzojë seriozisht konfliktin.

“Ne zmbrapsim me heroizëm sulmet e forcave të armatosura ruse në terren. Megjithatë ne kemi probleme me qiellin. Dhe forcat ajrore ruse dominojnë në qiej dhe vazhdojnë të bombardojnë qytetet tona dhe të vrasin shumë civilë”, tha Kuleba.

Ndërkohë forcat e armatosura të Ukrainës dhe njësitë e mbrojtjes territoriale kanë arritur të rrëzojnë dhjetëra avionë rusë që nga fillimi i pushtimit, por kombi ka një forcë ajrore shumë më të vogël se pushtuesit e saj.

Të fundit