Flash News

Bota

Ish-studenti mësyn me armë brenda shkollës në SHBA, vret 6 persona

Ish-studenti mësyn me armë brenda shkollës në SHBA, vret 6

Një ish-student i shkollës në Nashville ka qëlluar me armë zjarri duke vrarë gjashtë persona, mes tyre tre fëmijë dhe tre të rritur.

The Guardian raporton se ngjarja e rëndë ka ndodhur në një shkollë fillore të krishterë në Nashville të hënën, ku ish-studenti i armatosur me dy armë dhe një pistoletë sulmoi shkollën.

Shefi i policisë së Nashville, John Drake tha për NBC Neës se sulmuesi kishte planifikuar të sulmonte disa vende të ndryshme, duke thënë se i  dyshuari do të qëllonte në shumë vende, dhe shkolla ishte një prej tyre.

Drake tha se hetuesit besonin se të shtënat buronin nga disa pakënaqësi që i dyshuari kishte për të shkuar në atë shkollë si një person më i ri.

Oficerët qëlluan dhe vranë sulmuesin në shkollën Covenant, e cila është ngjitur me kishën presbiteriane të Besëlidhjes në kryeqytetin e shtetit Tennessee.

Policia e Nashville i identifikoi viktimat si Evelyn Dieckhaus, Hallie Scruggs dhe Ëilliam Kinney, të gjithë nëntë vjeç; Cynthia Peak, një mësuese zëvendësuese, 61 vjeç; Katherine Koonce, 60 vjeç; dhe Mike Hill, një kujdestar, 61 vjeç.

Të fundit