ISIS pranon sulmin terrorist në Kabul: Kamikazi hodhi veten në erë

Vetëm pak orë pasi SHBA-ja deklaroi se pas sulmit terrorit në aeroportin e Kabulit fshihej dora e ISIS, grupi terrorist ka pranuar përgjegjësinë.

Mediat e huaja raportojnë se, grupet e ISIS kanë shpërndarë në llogarinë e tyre në Telegram se shteti islamik fshihet pas të shtënave me armë dhe shpërthimeve të dyfishta në Kabul, që shkaktuan mbi 60 viktima dhe afro 143 të plagosur, mes tyre edhe 12 ushtarë amerikanë.

Ata konfirmuan se një kamikaz shpërtheu jelekun e tij të mbushur me dinamit duke shkaktuar shpërthimin e fuqishëm.

James Heappey, ministri i forcave të armatosura të Mbretërisë së Bashkuar, kishte thënë më herët se afganët që përpiqen të ikin për në Mbretërinë e Bashkuar nuk duhet të shkojnë në aeroport për shkak të "raportimit shumë, shumë të besueshëm të një sulmi të afërt".