Italia shtrëngon masat ndaj koronavirusit, Conte: Nuk duhet të humbasim kohë

Italia ka njoftuar një numër të ri masash për të ashpërsuar kufizimet ndaj koronavirusit.  Kryeministri, Giuseppe Conte tha se masat ishin të nevojshme për të shmangur një karantinë të dytë. Kryebashkiakët do të marrin kompetenca për të mbyllur vendet publike pas orës 21:00 dhe orari i hapjes së restoranteve dhe madhësia e grupeve të lejuara do të shtrëngohen. Lëvizjet erdhën ndërsa Italia regjistroi numrin më të lartë të infeksionit ditor për të dytën ditë me radhë.

11.705 raste të tjera u njoftuan të dielën, duke mundur rekordin e mëparshëm, i cili erdhi ishte një ditë më parë, të shtunën, prej 10.925. Italia ishte kombi evropian më i goditur në fillim të pandemisë. Tani ka regjistruar 414,000 raste të konfirmuara të koronavirusit. 36,500 vdekjet e saj e bëjnë atë të dytin pas Mbretërisë së Bashkuar në Evropë.

Çfarë tha kryeministri Conte?

Kryeministri tha në një dalje televizive se:  "Ne nuk mund të humbasim kohë, ne duhet të vendosim masa për të shmangur një bllokim të përgjithësuar, i cili mund të kompromentojë rëndë ekonominë. Qeveria është këtu por të gjithë duhet të bëjnë pjesën e tyre."

Ai shtoi se : "Masat më efektive mbeten masat paraprake themelore: maska, distanca dhe higjiena e duarve”. Zyrtarët lokalë do të marrin fuqinë për të mbyllur vendet publike pas orës 21:00.

Cilat janë masat e tjera italiane?

Ndryshimet në shkolla prekin kryesisht nxënësit në shkollat ​​e mesme. Orari i nisjes do të jenë më vonë dhe do të inkurajohet më shumë mësim në distance.

Baret dhe restorantet mbyllen në mesnatë, por pas orës 18:00 do të lejohet vetëm shërbimi në tryezë. Maksimumi në një grup do të jenë gjashtë persona.

Gjithashtu, konferencat dhe festivalet lokale pezullohen, sportet e kontaktit amator do të ndalen, ndërsa  palestrat dhe pishinat do të duhet të përshtaten me protokollet e reja brenda shtatë ditëve.

Si po përballet Evropa me rritjen e rasteve?

Një numër vendesh kanë forcuar qasjen e tyre ndaj koronavirusit ndërsa e ashtuquajtura "vala e dytë" e infeksioneve vazhdon të rritet.

Franca pa një numër rekord të rasteve të reja të shtunën me 32,427 raste  dhe 30,000 të tjera të dielën.
Nëntë qytete të mëdha franceze, përfshirë kryeqytetin Paris, janë nën një shtetrrethim nga ora 21:00 deri në 06:00 për të paktën një muaj. Kushdo atëherë duhet të ketë një arsye të vlefshme ose mund të gjobitet me 135 €.

Nga e hëna, të gjitha baret dhe restorantet në Belgjikë do të mbyllen për katër javë dhe një shtetrrethim do të jetë në fuqi nga ora 00: 00-05: 00, me shitjen e alkoolit të ndaluar pas orës 20:00.

"Unë jam plotësisht i vetëdijshëm se ato masa janë shumë të ashpra," tha kryeministri belg Alexander De Croo.

 "Javët e ardhshme do të jenë shumë të vështira, por ne duhet t'i marrim ato masa për të shmangur më të keqen”, tha ai.

Edhe Zvicra reagoi ndaj një rritje të mprehtë të infeksioneve duke e bërë të detyrueshme  maskën në hapësirat e brendshme dhe ato publike që nga e sotmja. Takimet e më shumë se 15 personave në publik janë gjithashtu të ndaluara.

Republika Çeke tha të dielën se do të priste dy javë përpara se të vendoste nëse ishte i nevojshëm një bllokim i plotë. Vendi aktualisht ka shkallën më të lartë të infeksionit me koronavirus në Evropë dhe ka mbyllur pjesën më të madhe të sektorit të mikpritjes dhe po zhvillojnë  mësim në distancë.

 Irlanda ka njoftuar se do të instalojë kufizime më të rrepta të hënën, me një qasje që do të mbyllë të gjitha bizneset jo-thelbësore.

 Gjermania shënoi një rekord ditor të infeksioneve të reja të shtunën. Kancelarja Angela Merkel u bëri thirrje njerëzve të qëndrojnë në shtëpi dhe të shmangin udhëtimet atje ku është e mundur./BBC