Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Bota

Izraeli: Kemi zmbrapsur një sulm të rebelëve Huthi

Politiko 23 Mars 2025, 20:02

Izraeli: Kemi zmbrapsur një sulm të rebelëve Huthi

Ushtria izraelite tha më 23 mars se ka rrëzuar një raketë të lëshuar nga Jemeni, para se të hynte në territorin izraelit. Ky sulm paraqet një përshkallëzim të situatës mes Izraelit dhe rebelëve jemenas, Huthi, të cilët mbështeten nga Irani. Rebelët jemenas morën përgjegjësinë për sulmin, duke thënë se grupi gjuajti një raketë balistike në drejtim të aeroportit Ben Gurion, afër Tel Avivit, tha zëdhënësi ushtarak, Yahya Saree.

Saree tha se sulmi çoi në pezullimin e trafikut ajror në këtë aeroport për një orë e gjysmë. Megjithatë, autoriteti që menaxhon aeroportet në Izrael tha se aeroporti nuk u prek nga ky sulm. Zëdhënësi i rebelët Huthi – grup i shpallur terrorist nga Shtetet e Bashkuara – pa ofruar asnjë provë, pretendoi se rebelët të dielën kishin kryer sulme ndaj aeroplanmbajtësit amerikan, USS Harry S. Truman, në Detin e Kuq.

Rebelët Huthi së fundi janë zotuar se do të përshkallëzojnë sulmet, përfshirë sulmet ndaj Izraelit, në përgjigje të sulmeve të kryera nga SHBA-ja më herët gjatë këtij muaji, që përbëjnë operacionin më të madh ushtarak të SHBA-së në Lindjen e Mesme që kur presidenti Donald Trump u kthye në Shtëpinë e Bardhë në janar.

Sulmet amerikane ndaj rebelëve jemenas kanë lënë të vrarë të paktën 50 persona. Po ashtu, sulmi i fundit i rebelëve jemenas vjen pasi ata janë zotuar se do të zgjerojnë caqet e tyre në Izrael, në kundërpërgjigje ndaj rinisjes së sulmeve izraelite në Gazë që kanë lënë qindra të vrarë ditëve të fundit./ REL

Të fundit