Këto janë disa nga çështjet që Brukseli do të ketë në tryezë gjatë 2022-shit

Në fund të 2021-shit, mediat e huaja rendisin disa nga çështjet që do të jenë në fokusin e BE-së vitin e ardhshëm.

Problemet pas Brexit në Irlandën e Veriut

Gjashtë vjet pas referendumit të Brexit dhe një vit që kur shkurorëzimi i Mbretërisë së Bashkuar nga BE hyri në fuqi, çështja po merr ende një kohë të konsiderueshme në Bruksel.

Pika kryesore e bllokimit është rreth çështjeve tregtare në Irlandën e Veriut. Brexit bëri që Londra të nënshkruajë Protokollin e Irlandës së Veriut, i cili e mban Irlandën e Veriut – pjesë e MB-së – në tregun e përbashkët të mallrave të Bashkimit Evropian.

Brukseli kërkon kontroll rregullator mbi atë që hyn në tregun e vetëm. Pra, për të shmangur një kufi midis Irlandës së Veriut dhe Republikës së Irlandës, Brexit krijoi një kufi de-fakto në detin irlandez.

Londra, pavarësisht nënshkrimit të marrëveshjes, pretendon se protokolli i ka ngarkuar bizneset me dokumente shtesë. Mbretëria e Bashkuar dëshiron të rinegociojë protokollin, diçka që Brukseli e ka hedhur poshtë. Por të dyja palët shpresojnë për një marrëveshje të shpejtë.

"Unë mendoj se në rastin e Irlandës së Veriut, duke ditur historinë, duke ditur se sa të vështira kanë qenë katër ose pesë vitet e fundit, mendoj se duhet të jemi shumë përgjegjës për atë që po vendosim në tryezë", tha nënkryetari i Komisionit Evropian, Maros Sefcovic, i cili drejton negociatat e Brexit.

Marrëveshja e Gjelbër Evropiane

Marrëveshja e Gjelbër Evropiane është politika kryesore e Brukselit për ta bërë klimën neutrale deri në vitin 2050. Komisioni Evropian i Ursula von der Leyen është në mes të propozimit të legjislacionit të ri për të arritur këtë qëllim.

Në vitin 2022, pritet të dalë një propozim i ri për emetimet e CO2 për automjetet e rënda. Grindjet për tranzicionin e energjisë gjithashtu do të dalin në pah.

Roli i energjisë bërthamore gjithashtu do të shfaqet shumë në diskutime. Vendet e BE-së do të luftojnë për përzierjen më të mirë të energjisë, me Gjermaninë dhe Belgjikën që do të heqin dorë nga ato bërthamore.

Probleme teknike

BE-ja mund të hapë një epokë të re për gjigantët e teknologjisë në vitin 2022. Shqetësimi në rritje për rolin e mediave sociale në polarizimin e komuniteteve dhe përhapjen e dezinformatave ka bërë që BE-ja po ndjek me shpejtësi legjislacionin për të frenuar kompanitë si Meta, e njohur më parë si Facebook.

Akti i Shërbimeve Dixhitale dhe Akti i Tregjeve Dixhitale janë një prioritet kryesor për presidencën gjashtëmujore franceze të BE-së që fillon në janar, siç ka deklaruar tashmë presidenti Emmanuel Macron. Presidenti francez dëshiron të "transformojë Evropën në një fuqi dixhitale"