Kievi sulmohet nga dronët kamikaze, alarm në kryeqytetin ukrainas

Të paktën pesë shpërthime janë dëgjuar në kryeqytetin ukrainas, ndërsa zyrtari i lartë fajëson "dronët kamikaze" të dërguar nga Rusia.

"Kjo tregon dëshpërimin e tyre," tha Andriy Yermak, kreu i zyrës së Presidentit ukrainas Zelensky.

Kryebashkiaku Vitalii Klitschko tha se ndërtesat e banimit në zonën qendrore të Shevchenkivskiy ishin dëmtuar.

Një javë më parë, kryeqyteti u godit nga raketat ruse, që lanë 19 të vdekur. Sulmet e mëngjesit të sotëm ishin nga dronët, zhurma e ulët e këtyre armëve me lëvizje të ngadaltë po bëhet e njohur në të gjithë vendin.

Shpërthimet të hënën filluan rreth orës 06:30 dhe ishin të paktën pesë gjithsej. Më e fundit ishte rreth orës 08:10 me orën lokale.

Dy ishin afër qendrës së qytetit, ndërsa sirenat e alarmit nisën të binin në të gjithë zonën. Ajo që synohet është e vështirë të përcaktohet.

Zyra e kryetarit të bashkisë thotë se janë goditur ndërtesa banimi dhe jo banimi. Zyrtarët e hekurudhave thonë se shpërthime u panë afër stacionit kryesor të Kievit.

Çfarë janë dronët kamikaze?

Armët e vogla ajrore, të njohura edhe si municione loitering, të cilat asgjësohen pasi godasin objektivin.

Ndryshe nga dronët e tjerë, të cilët kthehen pas hedhjes së raketave, me dronët kamikaze nuk ndodh kështu.

Burimi: BBC