Kryeministri i Haitit ndalohet të largohet nga vendi, akuzohet për vrasjen e ish-presidentit Jovenel Moïse

Ariel Henry

Kryeministrit të Haitit Ariel Henry i është ndaluar të largohet nga vendi, pasi është duke u hetuar për përfshirjen e tij në vrasjen e ish-presidentit Jovenel Moïse.

Një prokuror po kërkon akuza kundër Henry, të cilit i është kërkuar të shpjegojë lidhjet e tij me një të dyshuar kryesor në vrasje, Joseph Felix Badio.

Të dhënat tregojnë se dy burrat kishin telefonata të shumta vetëm disa orë pas vrasjes, thonë prokurorët. Moïse u vra në shtëpi më 7 korrik.

Ai u qëllua për vdekje pasi persona të armatosur sulmuan rezidencën e tij private në periferi të kryeqytetit. Vdekja e tij shkaktoi një krizë politike e cila u përkeqësua kur një tërmet i madh goditi jugun e Haitit një muaj më parë

Henry shkarkoi kryeprokurorin Bed-Ford Claude dhe e akuzoi atë për një "shkelje të rëndë administrative". Ai më vonë emëroi një zëvendësues.

Sidoqoftë, Claude dukej se qëndronte në postin e tij pasi i kërkoi një gjykatësi që heton vrasjen e zotit Moïse të akuzojë kryeministrin për përfshirjen e tij "të dyshuar" në këtë rast.

Burimet me njohuri për Haitin thonë se nuk është në kompetencën e kryeministrit të shkarkojë prokurorin. Ministri i drejtësisë në Haiti ka urdhëruar mbrojtje shtesë të policisë për Claude pas një numri kërcënimesh të raportuara.

Policia thotë se tani janë 44 persona të ndaluar në lidhje me komplotin, përfshirë 18 anëtarë në pension të ushtrisë kolumbiane.

Burimi: BBC

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm