Kush mund të jetë Papa i ardhshëm? 6 emrat e mundshëm

Pas vdekjes së Papa Françeskut, konklava papale do të zgjedhë një papë të ri. Këtu janë disa nga pretendentët për t'u bërë kreu i ardhshëm i kishës katolike.

Të rrethuar nga pikturat me famë botërore të Mikelanxhelos, 137 elektorë kardinalë do të marrin pjesë në një takim të Kolegjit të Kardinalëve në Kapelën Sistine të Vatikanit, ku do të ngarkohen të zgjedhin udhëheqësin e ri të kishës katolike.

Një fushatë e heshtur zgjedhore është gjithmonë e vazhdueshme brenda qytetit të Vatikanit, veçanërisht kur lindin problemet shëndetësore të një Pape.

Papa Françesku, i cili vuante nga sëmundja kronike e mushkërive, kaloi pesë javë në spitalin Gemelli pasi u shtrua për një krizë të frymëmarrjes në shkurt që u shndërrua në pneumoni të dyfishtë.

Në vitin 2021, pasi bëri një operacion në zorrën e trashë dhe kaloi 10 ditë në spital, ai tha se disa njerëz e donin atë "të vdekur" dhe po "përgatitnin konklavën".

Sipas asaj që kupton Sky News, ja disa nga kandidatët e mundshëm.

1. Kardinali Pietro Parolin 70 vjeç I cili ka sherbyer si Sekretar Kardinal i Shtetit nen Papatin e Papa Franceskut shihet gjithashtu si favorite.

2. Matteo Zuppi, 69 vjeç. Presidenti i Konferencës Episkopale të Italisë dhe Kryepeshkopi i Bolonjës është një tjetër kandidat i mundshëm.

Ai ishte i dërguari special i Papës për luftën në Ukrainë, duke bërë udhëtime në Kiev, Moskë, Pekin dhe Uashington.

3. Jose Tolentino de Mendonca, 59 vjeç. Prefekti i Dikasterit të Kulturës dhe Arsimit është një tjetër kandidat i mundshëm.

Kardinali portugez është gjithashtu anëtar i Dikasterit për Doktrinën e Besimit, Dikasterit për Adhurimin Hyjnor dhe Disiplinë e Sakramenteve.

4.Peter Erdo, 72 vjeç. Kardinali hungarez u përmend si një kandidat i mundshëm papal gjatë konklavës së fundit.

Ai ka shërbyer gjithashtu si president i Këshillit të Konferencave të Ipeshkvijve të Evropës.

5. Cristobal Lopez Romero, 72 vjeç

Kryepeshkopi spanjoll i Rabatit u zhvendos në Marok në 2003 pas një periudhe të gjatë pune baritore në Amerikën Latine, veçanërisht në Paraguaj.

Ai është anëtar i Salezianëve - një kongregacion burrash në kishën katolike.

6. Pierbattista Pizzaballa, 59 vjeç

Patriarku latin i Jeruzalemit u bë kardinal nga Papa Françesku dy vjet më parë.

Ai i është përkushtuar Lindjes së Mesme, duke u përballur me disa kriza, duke përfshirë konfliktin midis Izraelit dhe Hamasit.

Krishtlindjet e kaluar, ai kremtoi meshën në Kishën e Familjes së Shenjtë në Gaza.

Kush e zgjedh Papën e ri?

Vetëm kardinalët nën moshën 80 vjeç mund të marrin pjesë në konklavën papale.

Nga sot numërohen 252 kardinalë, 137 prej të cilëve janë elektorë kardinalë.