Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ligji i ri, Finlanda do të ndërtojë gardh me siguri të lartë në kufi me Rusinë

Politiko 8 Korrik 2022, 10:02

Ligji i ri, Finlanda do të ndërtojë gardh me siguri të

Parlamenti finlandez miratoi një ligj të ri, për të forcuar sigurinë përgjatë kufirit të vendit me Rusinë, ndërsa vazhdon procesin e anëtarësimit në NATO.

Pasi Rusia nisi pushtimin e saj në Ukrainë më 24 shkurt, Finlanda vendosi të zyrtarizojë partneritetin e ngushtë prej dekadash me NATO-n dhe të aplikojë për t'u bashkuar me aleancën ushtarake.

Nisur nga shqetësimet se Moska do të përdorë emigrantët për të bërë presion ndaj Helsinkit, amendamentet e reja në ligjin e Finlandës për rojet kufitare do ta bëjnë më të lehtë ndërtimin e barrierave më të forta përgjatë kufirit prej 1300 kilometrash që Finlanda ndan me Rusinë.

Ky është kufiri më i gjatë tokësor i BE-së me Rusinë. Qëllimi i ligjit të ri është të "përmirësojë kapacitetin operacional të rojes kufitare për t'iu përgjigjur kërcënimeve hibride," tha Anne Ihanus, një këshilltare në ministrinë e brendshme të Finlandës.

Aktualisht, kufiri i Finlandës me Rusinë është i siguruar vetëm me gardhe të lehta prej druri.

"Ajo që ne duam të ndërtojmë tani është një gardh i fortë me një efekt të vërtetë pengues," tha kreu i divizionit ligjor të Rojës Kufitare Finlandeze, Sanna Palo.

Sipas të gjitha gjasave, gardhi nuk do të mbulojë të gjithë kufirin lindor, por do të përqendrohet në vendet që konsiderohen më të rëndësishmet”, shpjegoi ajo.

Në një skenar ku kufiri është i destabilizuar nga fluksi i refugjatëve, që ndodhi së fundmi midis Bjellorusisë dhe Polonisë, ligji i ri do të lejojë gjithashtu mbylljen e pikave kufitare dhe përqendrimin e azilkërkuesve në vende të veçanta.

Finlanda ka miratuar gjithashtu ndryshime në Aktin e saj të Kompetencave Emergjente për të siguruar që përkufizimi i "emergjencës" të marrë parasysh më mirë llojet e ndryshme të të ashtuquajturave kërcënime hibride.

Burimi: Euronews

Të fundit