Flash News

Bota

Lufta me Rusinë, Ukraina dhe SHBA takohen në Arabinë Saudite

Lufta me Rusinë, Ukraina dhe SHBA takohen në Arabinë Saudite
Zyrtarët ukrainas dhe amerikanë pritet të takohen në Arabinë Saudite për të diskutuar një armëpushim të pjesshëm të mundshëm midis Ukrainës dhe Rusisë, pjesë e një shtytjeje diplomatike nga presidenti i SHBA-së, Donald Trump, për t’i dhënë fund luftës trevjeçare.

Takimi do t’i paraprijë bisedimeve ndërmjet delegacioneve amerikane dhe ruse të cilat janë planifikuar për të hënën.

Dhe pasojnë një seri bisedimesh të zhvilluara në Arabinë Saudite, fillimisht midis SHBA-së dhe Rusisë, dhe më pas midis SHBA-së dhe Ukrainës, kur Kievi pranoi një propozim armëpushimi 30-ditor, shkruan Reuters

Delegacioni ukrainas në takimin e së dielës do të udhëhiqet nga ministri i Mbrojtjes Rustem Umerov. 

Presidenti Volodymyr Zelensky tha më herët se ky fakt do ta lejonte Kievin të vepronte në një mënyrë “shumë të shpejtë dhe shumë thelbësore”.


Megjithatë, zyrtarët ukrainas kanë thënë se ata ende e shohin takimin në Riad si thjesht teknik.

Të fundit