Flash News

Plagosja e dyfishtë në Sarandë, gjendet një armë zjarri e futur në çantë

Vllaznia kualifikohet në turin e dytë të Conference League, përmbys 2-4 Daugavpils

Aksidenti me 4 të plagosur në Librazhd-Qafë Thanë, 15-vjeçari niset me urgjencë drejt Traumës

Aksident në aksin Librazhd-Qafë Thanë, plagosen 4 anëtarë të një familjeje

Plagosja e dyfishtë në Sarandë, në kërkim vëllezërit e dyshuar si autorë, njëri i dënuar për vrasje

Bota

Lufta në Gaza, Hamasi pranon propozimin e SHBA-së për armëpushim 60-ditor

Politiko 4 Korrik 2025, 21:50

Lufta në Gaza, Hamasi pranon propozimin e SHBA-së për

Hamasi ka paraqitur përgjigjen e tij ndaj një propozimi për armëpushim në Gaza të ndërmjetësuar nga SHBA-të, tha të premten për Reuters një zyrtar palestinez i njohur me negociatat, duke e përshkruar përgjigjen si pozitive që duhet të "lehtësojë arritjen e një marrëveshjeje".
Presidenti i SHBA-së, Donald Trump, njoftoi më parë një "propozim përfundimtar" për një armëpushim 60-ditor në luftën gati 21-mujore midis Izraelit dhe Hamasit, duke deklaruar se ai priste një përgjigje nga palët në orët në vijim.

"Ne u kemi dorëzuar ndërmjetësve, Katarit dhe Egjiptit, përgjigjen tonë ndaj propozimit për armëpushim", tha një zyrtar i Hamasit për Reuters në kushte anonimiteti.
"Përgjigja e Hamasit është pozitive dhe mendoj se duhet të ndihmojë dhe lehtësojë arritjen e një marrëveshjeje", tha zyrtari palestinez pranë bisedimeve.
Trump tha të martën se Izraeli kishte rënë dakord "me kushtet e nevojshme për të finalizuar" një armëpushim 60-ditor, gjatë të cilit do të bëheshin përpjekje për t'i dhënë fund luftës së aleatit të SHBA-së në enklavën palestineze.
Kryeministri izraelit Benjamin Netanyahu ende nuk ka komentuar mbi njoftimin e Trump dhe në deklaratat e tyre publike, të dy palët mbeten larg njëri-tjetrit.

Netanyahu ka thënë vazhdimisht se Hamasi duhet të çarmatoset, një qëndrim që grupi militant, i cili mendohet se mban 20 pengje të gjalla, deri më tani ka refuzuar ta diskutojë.

Të fundit