Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Bota

Macron-francezëve: Konsumoni 10% më pak energji ose do ndërpresim furnizimin!

Politiko 6 Shtator 2022, 12:10

Macron-francezëve: Konsumoni 10% më pak energji ose do ndërpresim

Presidenti francez Emmanuel Macron po bën thirrje për një reduktim prej 10% të përdorimit të energjisë së vendit në javët dhe muajt e ardhshëm për të shmangur rrezikun e racionimit dhe shkurtimeve këtë dimër, mes tensioneve me furnizuesin Rusinë për luftën në Ukrainë.

Macron paralajmëroi se kursimet e detyruara të energjisë mund të duhet të merren parasysh në muajt e ardhshëm nëse përpjekjet vullnetare nuk janë të mjaftueshme.

Ai tha se planet e racionimit të energjisë janë duke u përgatitur "në rast se" ato nevojiten dhe se "shkurtimet do të ndodhin si mjeti i fundit".

“Energjia më e mirë është ajo që ne nuk e konsumojmë”, tha udhëheqësi francez në një konferencë shtypi, ku u kërkoi bizneseve dhe familjeve franceze të kursejnë energjinë, duke përfshirë reduktimin e ngrohjes dhe ajrit të kondicionuar.

Franca është në mesin e shumë vendeve evropiane që shtrëngojnë rripat e tyre ndërsa kostot e energjisë rriten. Tubacioni kryesor i Rusisë që transporton gaz natyror në Gjermani mbetet i mbyllur dhe presidenti i Komisionit Evropian thotë se tregu i energjisë elektrike i BE-së “nuk po funksionon më” mes efekteve të dëmshme të luftës në Ukrainë.

Macron nuk shpjegoi se si do të kontrollohej apo matej qëllimi 10% i kursimit të energjisë. Shumë shtëpi franceze tashmë po frenojnë përdorimin e gazit dhe energjisë elektrike për shkak të rritjes së çmimeve, por jo të gjithë do ta dëgjojnë thirrjen e Macron. Kryeministri i Francës javën e kaluar ngriti spektrin e ndërprerjeve dy-orëshe në familje në dimër nëse nuk gjenden zgjidhje.

Burimi: Euronews

 

 

Të fundit